सरकारले फेरि ठूलो संख्यामा सहसचिवको सरुवा गरेको छ । हिजो साँझ बसेको मन्त्रिपरिषद्को बैठकले ५१ जना सहसचिवहरुको सरुवा गरेको एक मन्त्रीले जानकारी दिएका छन् ।
बिज्ञापन
उनका अनुसार प्रशासनका १४ जना र प्राविधिकतर्फका ३७ जना ५१ जना सहसचिवको सरुवा गरिएको छ । संघीय मामिला तथा सामान्य प्रशासन मन्त्रनलयले मन्त्रिपरिषद् बैठकमा छलफल तथा निर्णयका लागि ६० हाराहारी सहसचिवको प्रस्ताव पठाएको हो । सङ्घ, प्रदेश र स्थानीय तहमा कार्यरत सहसचिवहरूको सरुवा सूची मन्त्रिपरिषदमा पठाइएको हो । जसमा केही काँटछाँट गरेर ५१ सहसचिवहरुको सरुवा टुंग्याइएको जनाइएको छ ।
बिज्ञापन
यस अघि केपी शर्मा ओली प्रधानमन्त्री बनेलगतै ५९ जना सहसचिवको सरुवा गरिएको थियो ।
यस्तै हिजोको क्याविनेटले भूकम्पले भत्काएको धरहराको भग्नावशेष यथावत् राखी नयाँ निर्माण गरिएको काठमाडौँ सुन्धारास्थित धरहरा आगामी असोज ३ गतेदेखि सर्वसाधारणका लागि खुला गर्ने निर्णय गरेको छ ।
बिज्ञापन
यस्तै वाणिज्य सचिव मधुसुदन बुर्लाकोटीलाई तथ्याङ्क कार्यालयमा पठाएर त्यहाँ बागमती प्रदेशका प्रमुख सचिव गोविन्द बहादुर कार्कीलाई ल्याएको छ । कार्की अघिल्लो बिहिबारमात्र सचिवमा बढुवा भएर वागमती प्रदेशमा पदस्थापन भएका थिए ।
यस्तै सरकारले लगानी बोर्डको प्रमुख कार्यकारी अधिकृतमा सुशील ज्ञवालीलाई नियुक्त गरेको छ । ज्ञवाली यस अघि राष्ट्रिय पूर्ननिर्माण प्राधिकरमा पनि प्रमुख कार्यकारी अधिकृत थिए ।
