जनमत पार्टीका अध्यक्ष डा चन्द्रकान्त राउत (सीके) ले आफ्नो श्रीमतीसँग सम्बन्ध विच्छेदको मुद्धा दायर गरेका छन् । ललितपुर जिल्ला अदालत स्रोतका अनुसार अध्यक्ष राउतले पत्नी सिन्धु रानीसँग सम्बन्ध विच्छेदको मुद्धा दायर गरेका हुन ।
बिज्ञापन
उनले दायर गरेको मुद्धामा अंश सम्बन्ध विच्छेद शीर्षक उल्लेख गरिएको छ । यसको अर्थ राउतले अंश दिएर श्रीमतीसँग वैवाहिक सम्बन्ध अन्त्य गर्न चाहेको भन्ने हुन्छ।
प्रतिनिधि सभामा सप्तरी क्षेत्र नम्बर २ बाट निर्वाचित ४७ वर्षीय सांसद राउतकी श्रीमती सिन्धु रानी हुन । उनी भारतीय नागरिक हुन् ।
बिज्ञापन
राउत दम्पतीका दुई छोरी र एक छोरा छन् ।आफूलाई छोडेर श्रीमती माइतमा बस्ने गरेको, सँगै बस्न नमानेको, पटक–पटक सँगै नबस्ने भन्दै माइत गइरहने, घरपरिवार र बच्चाको रेखदेख नगरेकोले अंश दिएर सम्बन्ध विच्छेद गर्न चाहेको राउतले निवेदनमा बताएका छन्।
बिज्ञापन
