निजामती सेवा दिवसको दिन प्रधानमन्त्री केपी ओलीले कुनै पनि कर्मचारीको तलव २५ पैसा पनि बृद्धि गर्न नसकिने अवस्था रहेको अभिब्यक्ति दिईरहँदा प्रधानमन्त्रीकै पार्टी र सत्तारुढ पार्टी निकट कर्मचारी भने तलवमान बृद्धिको माग गर्दै आन्दोलनमा उत्रिएका छन् ।
प्रधानमन्त्रीकै पार्टीका बरिष्ठ उपाध्यक्षको छोराकै नेतृत्वमा दुई सातादेखि कृषि अनुसन्धान परिषद्ना नार्कमा तालाबन्दी भइरहेको छ,तलबबृद्धिको माग राखेर त्यहाँ बरिष्ठ उपाध्यक्ष ईश्वर पोखरेलको छोराको नेतृत्वमा नार्कमा अहिले तालाबन्दी भईरहेको हो । पोखरेलका छोरा सिर्जन,नार्कका वैज्ञानिकका रुपमा कार्यरत छन् । त्यहाँ पोखरेलको नेतृत्वमा भइरहेको आन्दोलनमा योजना निर्देशक लुमानिधि पाण्डेलगायतले सघाईरहेका छन् । पाण्डे काँग्रेस निकट हुन् । आन्दोलनको नाममा कार्यकारी निर्देशक डाक्टर दोजराज खनालको कार्यकक्षमा तालाबन्दी गरिएको छ । केन्द्रमा तालाबन्दी, अन्य कार्यालयमा पेन डाउन, कार्यकालका चार पांग्रे गाडी प्रयोगमा निषेध गरिएको छ ।
बिज्ञापन
नार्कमा कार्यरत वैज्ञानिक कर्मचारीहरुलाई विभेदकारी ढंगबाट कम हुने गरी तलबमान कायम गरिएको भन्दै उनीहरुले आन्दोलन गरेको बताउँछन् । त्यस सम्बन्धी रिटमा पाटन उच्च अदालतले समानताको आधारमा तलबमान निर्धारण गरी कार्यान्वयन गराउन परमादेश जारी गरेको थियो । सो अनुरुप तलव बृद्धि गर्न कार्यकारी निर्देशकले सञ्चालक समितिमा प्रस्ताव पेश गरेका थिए । तर, अर्थमन्त्रालयका प्रतिनिधिले स्रोत सुनिश्चिता नभई यो निर्णय गर्न नसकिने अडान राखेपछि कुनै निर्णय हुन सकेको छैन । अर्थले स्रोत नभएका कारण तलव बढाउन नसकिने बताईरहँदा उनीहरु भने कार्यालय प्रमुखको कार्यकक्षमा ताला लगाइरहेका हुन ।
उनीहरुले रिषद्लाई अनिर्णयको बन्दी बनाएको आरोप लगाउँदै परिषद्का कार्यकारी निर्देशक, निर्देशक र कानुनी सल्लाहकारको राजीनामा मागेका छन् । तर, आफूहरु भने आन्दोलनकैबीच बैदेशिक भ्रमणमा गईरहेका छन् ।
तलबमानमा गरिएको त्रुटीलाई सच्याई पाउँ भनि परिषद् समक्ष मौखिक र लिखित रुपमा पहल गरे पनि विभिन्न बहाना देखाएर परिषद्ले वैज्ञानिकको पक्षमा कुनै ठोस कदम नचालेको भन्दै गत चैत १५ गते उच्च अदालत पाटन रिट दायर भएको थियो ।
सोही रिटउपर अदालतले जेठ २ गते समान समकक्षी तहका प्राविधिक÷प्रशासनिक कर्मचारीहरु भन्दा निज रिट निवेदकहरुलाई कम हुने गरी आधारभूत तलबमान कायम हुनु असमान र विभेदकारी भएकोले साउन १ गतेबाट लागू हुनेगरी समकक्षी तथा प्राविधिक÷प्रशासनिक कर्मचारीसँग समान हुने गरी समानताको आधारमा तलबमान निर्धारण गरी कार्यान्वयन गराउन परमादेश दिएको थियो ।
बिज्ञापन
त्यसोत प्रधानमन्त्रीकै पार्टीको उपाध्यक्षको छोरा हुँ भन्दै सिर्जनलाई तत्कालिन कृषिमन्त्री हरि पराजुली र कार्यकारी निर्देशकले फरक बिषय पढेका पोखरेललाई नियुक्ति दिएका हुन । परिक्षणकालमै रहेको अवस्थामा ०७२ सालताका अमेरिकामा रहेकी श्रीमती भेट्न भ्रमण आदेश गराएर अमेरिका गएका पोखरेललाई माथिल्लो निकायवाट स्पटिकरण सोधिएको थियो । तर, पहुँचका भरमा उनलाई कुनै कार्वाही भएन ।
बिज्ञापन
