उपराष्ट्रपति कार्यालयमा सरुवा भएर गएको महिना दिन पछि नै सचिव मधुकुमार मरासिनी सरुवा भएर राष्ट्रिय योजना आयोगमा आइपुगेका छन् । यस अघि मरासिनीलाई अर्थ मन्त्रालयबाट उपराष्ट्रपति कार्यालयमा खटाइएको थियो गत महिना । २२ सचिवहरु सरुवा हुँदा मरासिनीलाई अर्थबाट उपराष्ट्रपति कार्यालयमा खटाइएकोमा त्यहाँबाट महिना दिनमै उनलाई सरुवा गरिएको हो ।
उसो त यस अघि सचिव मुकुन्द निरौला त त्यहाँ तीन दिन पनि टिकेनन्,उनी पछिको सचिव राधिका अर्याललाई पनि लामो समय त्यहाँ राखिएन । बिहीबारको मन्त्रिपरिषद् बैठकले उपराष्ट्रपति कार्यालयका सचिव मधुकुमार मरासिनीलाई राष्ट्रिय योजना आयोगमा सरुवा गरेको हो ।
बिज्ञापन
त्यस्तै गण्डकी प्रदेश सरकारका प्रमुख सचिव लक्ष्मीकुमारी बस्नेतलाई उपराष्ट्रपति कार्यालयमा सरुवा गरिएको छ ।
बिज्ञापन
बैठकले सचिवमा बढुवा भएका गोविन्दबहादुर कार्कीलाई बागमती प्रदेश सरकारको प्रमुख सचिवमा पदस्थापन गरेको छ । कार्की यसअघि बागमती प्रदेशकै कायममुकायम प्रमुख सचिव थिए ।
योजना आयोगका सचिव तोयनारायण ज्ञवालीले मुख्यसचिव नियुक्तिमा आफूमाथि अन्याय भएको भन्दै अनिवार्य अवकाशमा जानुअघि नै राजीनामा दिएका थिए । त्यसपछि रिक्त सचिव पदमा सरकारले मरासिनीलाई सरुवा गरेको हो ।
बिज्ञापन
