सरकार यस बर्ष पनि हजारौं बर्कचारीको भीडबाट एक जना सर्वोत्कृष्ट राष्ट्रसेवक कर्मचारी भेट्न सकेन ।झण्डै एक लाख कर्मचारीमध्ये सर्वोत्कृष्ट कर्मचारी कोही नभएकै हो ? उसो हो भने कर्मचारीको कार्यसम्पादन र कार्यक्षमतामाथि कै प्रश्न होइन र यो ? यो कर्मचारीको भीडमा सर्वोत्कृष्ट कर्मचारी नभेटेको हो वा नखोजेको ?
बिज्ञापन
निजामती सेवा दिवसको अवसरमा १० कर्मचारीलाई उत्कृष्ट निजामती कर्मचारी पुरस्कार र अन्य ३० जनालाई निजामती सेवा कर्मचारी पुरस्कार वितरण गर्न लागिएको छ । सरकारले् हरेक वर्ष २२ भदौमा निजामती सेवा दिवस मनाइन्छ । दिवसको अवसरमा सर्वोत्कृष्ट राष्ट्रसेवक कर्मचारी घोषणा गरी २ लाख रुपैयाँ दिने कार्यविधि छ । तर पछिल्लो ८ वर्षदेखि सरकारले सर्वोत्कृष्ट कर्मचारी घोषणा गरेको छैन ।
बिज्ञापन
पुरस्कारका लागि विभिन्न मन्त्रालय र देशभरका संघीय कार्यालयहरूबाट पुरस्कारको लागि जम्मा १६२ जनाको नाम सिफारिस भई आएको थियो। मुख्य सचिवको अध्यक्षतामा रहने पुरस्कार सिफारिस समितिमा सरकारले पूर्वसचिव गोपीकृष्ण खनाल, कानुन सचिव उदयराज सापकोटा र संघीय मामिला तथा सामान्य प्रशासन सचिव भरतमणि सुवेदी समेत रहेको समिति बनाएर पुरस्कार पाउने कर्मचारीहरु छनोट गरेको थियो । उक्त समितिले सिफारिस भइ आएका १६२ जनामध्येबाट ४० कर्मचारीको नाम सरकारसमक्ष सिफारिस गरेकोमा ती ४० कर्मचारीलाई पुरस्कृत गर्न लागेको हो । मुख्यसचिवले नेतृत्व गर्ने यो समितिले गरेको मूल्यांकनका आधारमा सवोत्कृष्ट कर्मचारी छनोट गर्न नसेकेको हो ।
२०६१ सालबाट निजामती सेवा दिवस मनाउन थालेदेखि नै निजामती सेवा पुरस्कारको वितरण थालिएको थियो । त्यतिबेलै २ लाख रुपैयाँ राशिसहित एक जनालाई ‘सर्वोत्कृष्ट निजामती सेवा पुरस्कार’ दिने व्यवस्था गरिएको थियो । वर्षैसाल १० जनालाई १ लाख रुपैयाँ राशीको उत्कृष्ट निजामती सेवा पुरस्कार र ३० जनाले ५० हजार रुपैयाँ राशीको निजामती सेवा पुरस्कार दिइन्छ । पछिल्लो पटक २०७३ मा तत्कालीन सचिव शान्तराज सुवेदीले सर्वोत्कृष्ट निजामती सेवा पुरस्कार पाएका थिए ।कुनै समय विवादित पृष्टभूमिका सूर्य गौतमलाई उत्कृष्ट निजामती सेवा पुरस्कार प्रदान गरिएकै कारण आजसम्म पनि २ लाख राशीको उक्त पुरस्कार विवादमा मात्र परेको छैन । यसअघि भगवतीकुमार काफ्ले, सूर्य गौतम, शान्तराज सुवेदी, भाइकाजी तिवारीलगायतले मात्र सर्वोकृष्ट निजामती पुरस्कार थापेका छन् । जसमध्ये गौतम, तिवारी, काफ्ले विवादित चरित्रका पात्र हुन् । यसअघि सर्वोत्कृष्ट पुरस्कार थापेका सहसचिव सूर्य गौतम लोकसेवा आयोगमा विज्ञ हुँदा आफ्नी श्रीमतीलाई उत्तीर्ण गराएको आरोप लागेसँगै सर्वोत्कृष्ट निजामती पुरस्कार नै विवादमा पर्दै आएको छ । सोही कारण ०७३ सालदेखि यो पुरस्कार वितवरण गर्न छाडिएको छ । पुरस्कार वितरण हुन छाडेको ८ बर्ष भएको छ । २२ भदौ २०१३ मा पहिलो निजामती सेवा ऐन आएको दिन पारेर २०६१ सालदेखि दिवस मनाउन थालिएयता वितरण भएका सर्वोत्कृष्ट पुरस्कार पाएकहरु पछि विवादमा तानिएका थिए । २१ वर्षमा ४ जना कर्मचारीले मात्र सर्वोत्कृष्ट कर्मचारी पुरस्कार पाएका छन् । २०६८ मा सूर्यप्रसाद गौतम, २०६९ मा भाइकाजी तिवारी, २०७० भगवतीप्रसाद काफ्ले र २०७३ मा शान्तराज सुवेदी सर्वोत्कृष्ट निजामती सेवा पुरस्कार पाएका थिए । जसमध्ये केही विवादमा परेपछि यो पुरस्कार वाड्न छोडिएको हो ।
बिज्ञापन
सर्वोत्कृष्ट निजामती सेवा पुरस्कारका लागि निजामती सेवाको स्थायी पदमा १५ वर्ष वा सोभन्दा बढी अवधि सेवा गरेको, पछिल्लो ५ वर्षको कार्यसम्पादन मूल्यांकनमा शतप्रतिशत अंक पाएको, पछिल्लो १५ वर्षमा कुनै पनि विभागीय सजाय नभोगेको र पुरस्कारको लागि सिफारिस हुने वर्षमा व्यक्तिगत बेरुजु कायम नदेखिएको हुुनपर्छ ।
नियमित रुपमा सम्पत्ति विवरण पेश गरेको, असाधारण विदाभएको भए त्यसपछि कम्तीमा दुई वर्ष काम गरेको, सम्बन्धित वर्ष र त्यसको अघिल्लो वर्षमा अध्ययन विदा नलिएको, पछिल्लो पाँच वर्षभित्र गयल कट्टीमा नपरेकोसहित प्रशासनिक बेरुजु नदेखिएको र प्रचलित कानूनबमोजिम बरबुझारथ गरेको हुनुपर्ने मापदण्ड छ । यो वर्ष पनि सर्वोत्कृष्टको न्युनतम् मापदण्डहरु पुरा भएका कोही पनि कर्मचरीको नाम मन्त्रालय र निकायहरुबाट सिफारिस नै भएर नआएको कारण सरकारले सर्वाेत्कृष्ट निजामती पुरस्कार दिन नसकेको समितिका एक सदस्य बताउँछन् ।
