गृह मन्त्रालयमा जान केही सचिवहरु ज्यानै फालेर लागेका छन् । चौथौं बरियताका एकनारायण अर्याल मुख्यसचिवमा उक्लिएसँगै त्यहाँ जान काँग्रेसी सचिवहरुको लिगलिगे दौड जारी छ । सोमबार अवेरमात्र गोकर्णमणि दुवाडीले गृहमन्त्री रमेश लेखक भलाकुसारी गरेर फर्किएका छन् । तर गोकर्णप्रति रमेश पोजेटिभ छैनन् । व्यवस्थापनमा एकदमै कमजोर मानिन्छन्,उनी । उनका समकक्षीहरु नै उनीमाथि सीमित घेराबन्दीमै रमाउने गरेको आरोप लगाउँछन । लामो समय भूमि प्रशासनमा बसेका उनको जग्गा दलालसँग एकदमै उठबस छ । केन्द्रीय तथ्यांक विभागमा जानु अघि हर सम्भव प्रयास गरे तर,यस अघि रमेश लेखकको सचिवालयका केही कर्मचारीलाई विगतमा दुख दिएका कारण उनलाई गृह नलगिने पक्कापक्की छ भनिन्छ ।
बिज्ञापन
केपी शर्मा ओली प्रधानमन्त्री हुँदा पाँच पटकसम्म सचिव बढुवाको सिफारिसमा परेर समेत उनलाई किन उकालिएन ? जतिखेर दुवाडी भूमि व्यवस्था तथा अभिलेख विभागका महानिर्देशक थिए । बिष्णु रिमालले झापातिरका एक जना सुव्वाको सरुवा गरिदिन आग्रह गरे,टेरेनन् । यही बिषय वालुवाटारसम्म पुगेपछि उनको बढूवा रोकिएको बताइन्छ । उसो त भूमि मन्त्रालयबाट सरुवा भएर हिड्नु अघि गोकर्णले एकै पटक सुव्वादेखि अधिकृत तहसम्मका ७० बढी कर्मचारीको बेमौसमी सरुवाको लफडा जारी छ,त्यहाँ अहिले । जथाभावी सरुवा गर्दा अहिले ललितपुर मालपोतमा दरबन्दीभन्दा बढी २ अधिकृत,भक्तपुर मालपोतमा ३ जना दरबन्दीभन्दा बढी खटाइएको छ ।
बिज्ञापन
उता पत्नी आभा कर्ण र परराष्ट्रमन्त्री आरजु राणा एकै भेगका हुन । सोही कारण मात्र होइन दक्षिण दुतावाससँग समेत बाक्लो आउजाउ भएका कृष्णहरि पुष्कर गृहसचिव खान ज्यानै फालेर लागेका छन् । उनले बूढानिकलण्ठ र दुतावास दुबै रिझाएको भए पनि काम नगर्ने,मुखमात्र चलाउने स्वभावका कर्मचारीका रुपमा उनी चित्रित छन् । मुकुन्द निरौलालाई गृह सचिव बनाउन खोजिएको हो तर उनले म श्रममै खुसी छु भनेर जबाफ फर्काएको बताइन्छ ।
उता, विनोद सिंह सूदुर पश्चिमतिरकै हुन । यस अघि नै गृहसचिव चलाइसकेका । उनको मन्त्रीसँग ट्युनिङ मिल्ने बताइन्छ तर बूढानिलकण्ठसँग बढी सम्बन्ध रहेका कारण उनलाई सचिव बनाउँदा मलाई क्रस गर्ला कि भन्ने भय छ,मन्त्री लेखकलाई ।
बिज्ञापन
मुख्यसचिवको पहिलो रोलक्रममा थिए,तोयनारायण ज्ञवाली,एकनारायण अर्याल पक्कापक्की मुख्य सचिव बनाइने चाल पाएपछि अघिल्लो साता उनले राजीनामा दिए । स्वीकृत पनि भयो । दोश्रो नम्बरमा माओवादी निकटका सचिव रामकृष्ण सुवेदी,सञ्चार मन्त्री पृथ्वीसुब्बा गुरुङले घर जान लागेका सचिवलाई नचलाऔं भन्दाभन्दै केपी शर्मा ओलीले उनलाई सार्वजनिक खरिद अनुगमनतिर लखेटेका छन् । तेश्रो नम्बरमा रहेका महिला सचिव दिनेश भट्टराईले समेत मुख्यसचिव नियुक्तिप्रति असन्तृष्टि जनाउँदै राजीनामा दिए । दुई सचिवले राजीनामा दिँदा गलत सन्देश जाने,हंगामा मच्चिने भन्दै उनलाई राजीनामा फिर्ता दिनबाट रोकेर गृह सचिव बनाइने आश्वासन दिइएको चर्चा छ,प्रधानमन्त्री कार्यालयतिर ।
