प्रधानमन्त्री केपी शर्मा ओलीले मध्यरातमा गृह सचिव एकनारायण अर्याललाई वालुवाटारमा आमन्त्रण गरेका छन् । विद्या चापागाईंको युट्यूब सिरज ‘हेर्ने कथा प्रसारण भएसँगै चर्चाको बिषय बजेको छ । ३५ वर्षअघि काठमाडौंबाट भागेर गोरखाको चुमभ्यालीमा पुगेका प्रकाश तामाङ भनिने काले मोक्तानको पारिवारिक पुनर्मिलन भएको उक्त सामग्री प्रकाशन भएसँगै प्रधानमन्त्री केपी शर्मा ओलीले उनै प्रकाश तामाङलाई नागरिकता दिलाउने बिषयमा पहल गर्ने गृह सचिवलाई मध्यराती वालुवाटारमा डाकेका हुन ।

३५ वर्ष घरबार–ठेगानाविहीन भएका प्रकाशको कथा हेर्ने कथा टिमको सक्रियतामा आफ्नो परिवारलाई भेट्न सफल भएका थिए । ०८१ को दसैँमा घर फर्किएका उनले नागरिकता बनाउने प्रयास गरेका थिए । तर, बसाइँसराइको कागजातको अभावका कारण उनले नागरिकता बनाउन पाएका थिएनन् ।सोही जानकारी पाएसँगै प्रधानमन्त्री ओलीले प्रकाशको नागरिकता छिटो बनाउने विषयमा गए राति नै गृहसचिव एकनारायण अर्याललाई बोलाएर छलफल गरेको हुन । गृहसचिव अर्यालले दुई–चार दिनभित्रै नागरिकता दिलाउन सहजीकरण गर्ने व्यवस्था मिलाएको बताएका छन् ।