सेवानिवृत्त हुन करिब ११ महिना बाँकी हुँदै परराष्ट्र सचिव सेवा लम्साल ४ वर्षका निम्ति बेल्जियमको लागि नेपाली राजदूतमा सिफारिस भएकी छन् । नत्र उनले २०८२ साल असार ५ गते उमेर हदका कारण निजामती सेवाबाट अवकाश पाउँथिन् ।
बिज्ञापन
उनी ८ महिनाअघि मात्रै पहिलो महिला परराष्ट्र सचिवमा नियुक्त भएकी हुन् । लम्साल उता गएपछि सचिवको जिम्मेवारी सिनियर सहसचिव अमृत राईलाई दिने तयारी छ । राईपछि कृष्णप्रसाद ढकाल रोलक्रममा चढेका छन् । राई तीन वर्षपछि रिटायर्ड हुनेछन् भने ढकालको पाँच वर्षभन्दा बढी जागिरे जीवन बाँकी रहनेछ । गेहेन्द्र राजभण्डारी, सुशील लम्साल र घनश्याम भण्डारीको पालो आउनेछ । गेहेन्द्र बेल्जियम, रामकाजी खड्का जर्मनी र नोभेम्बरमा तापस अधिकारी पाकिस्तानबाट फर्कने क्रममा छन् ।
बिज्ञापन
अहिले अष्ट्रेलियाको निम्ति राजदूतमा प्रस्तावित कान्ता रिजालको नाम काटियो । अमेरिकामा हुँदा लगेको घरेलु सहायकलाई हरिश्चन्द्र घिमिरे र लेखनाथ गौतमले फिर्ता ल्याएका थिए । त्यसो त अमेरिका जाने धेरैजसोले सहयोगीहरुलाई उतै छोड्ने गरेका छन् । डा। अर्जुन कार्कीले पटक पटक गरी आधा दर्जन बढीलाई उतै छोडेको बताइन्छ । हाम्रा कुटनीतिज्ञको घरेलु कामदार भई अमेरिका गएर नफर्कनेको संख्यामात्रै करिब डेढ सयको हाराहारीमा पुगेको बताइन्छ ।
यसबीच परराष्ट्रका उपसचिवहरु विभिन्न देशको राजदूतावासमा तैनाथ गरिएका छन् । तिनमा मन्त्री आरजु राणाको पिए रहेकी सिर्जना अधिकारीको जेद्दा, राहदानी शाखाका रमेश चर्मकारको प्रिटोरिया, राष्ट्रपति कार्यालयमा कार्यरत रञ्जिता दाहालको अबुधावी र बिपिन दवाडी लण्डन रहेका छन् । प्रकाशमणि पौडेल पोर्चुगलका लागि नेपाली राजदूत बनेर गएपछि रिक्त कन्सुलर सेवा विभागमा राष्ट्रपति कार्यालयबाट दिलिप पौडेल आउने सम्भावना छ ।
बिज्ञापन
