प्रधानमन्त्री तथा मन्त्रिपरिषद् मातहतका दुई महत्वपूर्ण विभागको महानिर्देशकका रुपमा दुई बरिष्ठ सहसचिवहरुलाई खटाइएको छ । अघिल्लो क्याविनेट बैठकले ५९ जना सहसचिव चलाउँदा माओवादी निकटका सहसचिव चक्रबहादुर बूढा र कमल भट्टराईलाई ती निकायबाट निकालिएपछि रिक्त रहेको विभागमा राजश्व अनुसन्धान विभागको महानिर्देशकमा चण्डीप्रसाद घिमिरे र सम्पत्ति शुद्धीकरण अनुसन्धान विभागको महानिर्देशकमा सुमन दाहाललाई पठाउने निर्णय गरेको हो ।
५९ सहसचिवको सरुवा हुँदा उद्योगबाट चण्डीलाई प्रधानमन्त्री तथा मन्त्रिपरिषद् कार्यालयमा र सामान्य प्रशासनबाट सुमन दाहाललाई प्रधानमन्त्री तथा मन्त्रिपरिषद्को कार्यालयमा पठाइएको थियो ।
दाहाल यस अघि भन्सार विभागको महानिर्देशक चलाइसकेका अनुभवी प्रशासक हुन । यस्का अलवा अर्थमन्त्रालयको पनि प्रवक्ता चलाइसकेका उनी कोशी प्रदेश सरकारका अर्थसचिव,राष्ट्रिय योजना आयोग,सामान्य प्रशासनको कर्मचारी प्रशासन महाशाखा समेत चलाइसकेका छन् ।
अर्थ मन्त्रालयमा रहँदा मन्त्रालयको वित्तीय संघीयता समन्वय महाशाखा प्रमुखको जिम्मेवारी सम्हालिसकेका उनी काविल प्रशासकका रुपमा चिनिन्छन् ।
बिज्ञापन
यस्तै राजश्वमा पुगेका घिमिरे राजश्वकै क्याडर हुन् । एमाले निकट उनको १० महिना कार्यकाल बाँकी छ ।
बिज्ञापन
बिज्ञापन
