संघीय मामिला तथा सामान्य प्रशासन मन्त्रालयले स्थानीय तह संस्थागत क्षमता स्वमूल्यांकन (लिसा) को नतिजा सार्वजनिक गरेको छ । सार्वजनिक गरेको नतिजा अनुसार महानगरपालिकातर्फ ललितपुर महानगरपालिका अब्बल साबित भएको छ ।
बिज्ञापन
उक्त महानगरपालिकातले आर्थिक बर्ष ७९/ ८० मा ८४ दशमलव ५० अंक प्राप्त गरेको छ । यस्तै भारतपुर महानगरपालिकाले ८३ दशमलव ८३ अंक प्राप्त गर्दा विराटनगर महानगरपालिकाले ८२ दशमलव ५० अंक,पोखरा महामगरपालिकाले ८० दशमलव ७५ अंक,काठमाडौँ महानगरपालिका ७७ दशमलव ५० अंक र स्वमूल्यांकनमा कमजोर देखिएको वीरगन्जले ५९ लशमलव ५० अंक मात्रै पाएको छ ।
बिज्ञापन
यस्तै नगरपालिकाहरु नीलकण्ठ नगरपालिका धादिडले ९२ दशमलव ५० अंकसहित प्रथम भएको छ । यस्तै तिलोत्तमा नगरपालिका ९२ अंकसहित देशभरीका नगरपालिकामध्ये दोश्रो र रत्ननगरपालिका ९१ दशमलव ५० अंक्सहित देशभरका नगरपालिकामध्येबाट तेश्रो भएको छ ।
बिज्ञापन
यस्तै गाउँपालिकातर्फ वेनिघाट रोराङ ८७ दशमलव २५ अंकसहित प्रथम, रुरुक्षेत्र गाउँपालिका ८७ नम्बरसहित दोश्रो र ईन्द्रावती गाउँपालिका ८७ अंकसहित तेश्रो स्थान हासिल गरेका छन् ।
मन्त्रालयमा आयोजित एक कार्यक्रमका बीच यी पालिकाहरुलाई सम्मान गरिएको थियो ।
शासकीय प्रवन्ध,संगठन तथा प्रशासन,बार्षिक बजेट तथा योजना तर्जुमा व्यवस्थापन,वित्तिय एव आर्थिक व्यवस्थापन,सेवा प्रवाह,न्यायिक कार्यसम्पादन,भौतिक पूर्वाधार,सामाजिक समावेशीकरण,विपद् व्यवस्थापन र सहकार्य र समन्वय लगायतका मापदण्डका आधारमा यी पालिकाहरुको मूल्यांकन गरेको हो ।
