व्यवसायी रामहरि श्रेष्ठको अपहरणपछि हत्या गरेको आरोपमा माओवादीका पूर्वलडाकु कालीबहादुर खाम पक्राउ परेका छन् । ६५ सालमा कोटेश्वरका व्यापारी रामहरि श्रेष्ठलाई नियन्त्रण लिएर हत्या गरेको अभियोगमा खामलाई प्रहरीले पक्राउ गरेको हो ।

बिज्ञापन

रामेछाप घर भई काठमाठौंको कोटेश्वरमा व्यापार गर्दै आएका व्यापारी श्रेष्ठको अपहरणपछि हत्या गरेको अभियोगमा गोविन्दबहादुर बटालासहित तत्कालीन ‘जनमुक्ति सेना’ तेस्रो डिभिजनका कमान्डर कालीबहादुर खाम, केशव अधिकारी, गंगाराम थापा र अर्जुन कार्कीलाई घटनामा संलग्नताको आरोप लगाउँदै जिल्ला अदालतमा कर्तव्य ज्यान मुद्दा चलाइयो । उक्त मुद्दाको १७ जेठ २०६८ मा फैसला भएको थियो ।