अन्त शुल्क स्टिकर छपाईमा दुई महानिर्देशक उपर अनुसन्धानको सुँइ सोझिएको छ । तत्कालीन महानिर्देशकद्धय दीर्घराज मैनाली र रितेश शाक्यले गडबडी गरेको भेटिएपछि यसमा अख्तियारले हात हालेको हो ।

बिज्ञापन

मदिरा तथा सुर्तीजन्य वस्तुमा टाँसिने अन्तस्शुल्क स्टिकर छपाइ र प्रिन्टर खरिदमा अनियमितता भएको आशंकामा अख्तियारले त्यहाँबाट सबै फाइल मगाएको छ । रितेश शाक्य महानिर्देशक हुँदा यो प्रक्रिया अगाडि बढेको पाइएको छ भने दीर्घराज मैनाली महानिर्देशक हुँदा महगो मूल्यमा अन्तशुल्क छपाई प्रक्रिया अगाडि बढाएको भेटिएसँगै अख्तियारले यससम्बन्धी सबै कागजात आन्तरिक राजश्व विभागबाट मगाएको हो । यस्को छपाइको काम समेत सुरक्षण मुद्रण केन्द्रमार्फत अगाडि बढाइएको थियो । प्रतिस्टिकर अधिकतम २५ पैसासम्ममा छपाइ हुनेमा सुरक्षण मुद्रण केन्द्रले स्वदेशी प्रिन्टिङ कम्पनी प्रिन्ट सेललाई प्रतिस्टिकर ९० पैसाको दरले ४३ करोड ३२ लाख थान छाप्न लगाएपछि अनियमितताको आशंकामा अख्तियारले उक्त प्रक्रिया उपर अनुसन्धान अगाडि बढाएको छ र त्यहाँबाट त्यसबन्धी सबै कागजात मगाएको हो । यो प्रकरणमा विभागका तत्कालीन महानिर्देशकद्वय रितेशकुमार शाक्य र दीर्घराज मैनाली पनि अनुसन्धानमा तानिएका हुन ।