नेपाली दर्शकहरूलाई लक्षित गर्दै कन्टेन्ट प्रस्तुत गर्दै आएको DishHome Go OTT एपले भोलि शुक्रबारदेखि नेपाली सिरिज “घर… एक सपना” स्ट्रिमिङमा ल्याउने भएको छ।
बिज्ञापन
चर्चित कलाकारहरू सरोज खनाल, लक्ष्मी गिरी र विश्व बस्नेत लगायतको सशक्त अभिनय रहेको यो सिरिज अब DishHome Go एपमार्फत दर्शकले हेर्न सक्नेछन्।आयुषा पोखरेलको प्रस्तुति रहेको “घर… एक सपना” ले एक नेपाली परिवारको बिखरिँदो सम्बन्ध, जिम्मेवारी, लोभ र सपनाबीचको द्वन्द्वलाई मार्मिक तथा यथार्थपरक ढंगले प्रस्तुत गरेको छ। कथावस्तुले पात्रहरूलाई जीवनका कठोर मोडहरू पार गर्दै घर, परिवार र सम्बन्धको वास्तविक मूल्य बुझ्ने भावनात्मक यात्रामा अघि बढाउँछ।
बिज्ञापन
लेखक तथा निर्देशक अजित लामिछानेको निर्देशनमा बनेको यस सिरिजमा नेपाली चलचित्र तथा टेलिभिजन क्षेत्रका अनुभवी र लोकप्रिय कलाकारहरूको प्रभावशाली अभिनयले कथा अझ सशक्त बनेको छ। सिरिजमा विश्व बस्नेतका साथै सुरेश थापा, सृजना अधिकारी, बिप्लभ लोहनी, पुष्पाञ्जली लिम्बु र सुनील तामाङको पनि अभिनय देख्न पाइनेछ।
पारिवारिक सम्बन्धको गहिराइ, भावनात्मक उतारचढाव र सामाजिक यथार्थलाई केन्द्रमा राखेर तयार गरिएको “घर… एक सपना” ले नेपाली दर्शकलाई आफ्नै कथा र अनुभूतिको नजिक पुर्याउने विश्वास गरिएको छ।नेपालकै अग्रणी डिजिटल मनोरञ्जन प्लेटफर्म DishHome Go OTT एपमा नेपाली तथा अन्तर्राष्ट्रिय खेलकुद, चलचित्र, सिरिज, विविध मनोरञ्जनात्मक सामग्रीहरू र लाइभ टेलिभिजन सहज रूपमा उपलब्ध छन्। DishHome ले गुणस्तरीय, नयाँ र मौलिक नेपाली सामग्रीमार्फत डिजिटल मनोरञ्जनको अनुभवलाई अझ समृद्ध र रोमाञ्चक बनाउँदै आएको छ।
बिज्ञापन
