शुक्रबार बिहानदेखि बागमती र मधेश प्रदेशका धेरै स्थानमा चट्याङसहित वर्षा भइरहेको छ। मौसम पूर्वानुमान महाशाखाका अनुसार बिहान ६ः५० बजेसम्म गण्डकी र लुम्बिनी प्रदेशका केही स्थानमा तथा कोशी प्रदेशका थोरै स्थानमा पनि हल्कादेखि मध्यम वर्षा जारी रहेको छ।
बिज्ञापन
बिज्ञापन
महाशाखाले वर्षा गराउने मौसमी प्रणाली पूर्व–उत्तरपूर्वतर्फ सर्दै गएकाले ती क्षेत्रमा केही समयसम्म वर्षा जारी रहने अनुमान गरेको छ। वर्षा र चट्याङको सम्भावना रहेको भन्दै स्थानीयवासीलाई सतर्क रहन आग्रह गरिएको छ।
बिज्ञापन
महाशाखाले पछिल्लो मौसमी विवरण सार्वजनिक गर्दै भनेको छ, “वर्षा गराउने प्रणाली पूर्व-उत्तरपूर्व दिशातर्फ सर्दै गएको छ। ती क्षेत्रमा वर्षा जारी रहने भएकाले सतर्कता अपनाउन र पछिल्लो मौसमी सूचनाको जानकारी लिन अनुरोध गरिएको छ।”
भू–उपग्रहबाट प्राप्त चित्रमा पछिल्लो एक घण्टाको वर्षा (मिलिमिटरमा) र चट्याङका सेलहरू देखिएका छन्। नागरिकहरूलाई आवश्यक परेमा महाशाखाको वेबसाइट https://dhm.gov.np/mfd बाट थप जानकारी लिन आग्रह गरिएको छ।
