बिज्ञापन

बिज्ञापन

सडक विस्तारका क्रममा हाकु, स्यो, नेसिङ, बृदिम लगायतका दुर्गम बस्तीमा पुग्ने सडक निर्माणमा पहल भएको छ। आचार्यले भने, “तिरु गाउँसम्म सडक जोडिएको छ, अब दुर्गम वस्तीलाई पनि सडक सञ्जालमा ल्याउने मेरो प्राथमिकता हो।”

कोभिड–१९ को कठिन समयमा उनले आइसोलेसन सेन्टर स्थापना, मास्क, अक्सिजन, मिनी भेन्टिलेटर जस्ता स्वास्थ्य सामग्री वितरण गरेका थिए। धुन्चे अस्पताल र जिबजिबे ग्रामीण अस्पतालमा उपकरण सहयोग पुर्‍याइएको छ।

लकडाउनमा अलपत्र परेका ६ सयभन्दा बढी नागरिकलाई रसुवा पुर्‍याउने व्यवस्था मिलाएको अनुभव सुनाउँदै उनले भने, “जनताको दुःखमा साथ दिनु नै मेरो दायित्व हो।”

स्थानीय सरकारसँग मिलेर संसद विकास कोष र प्रदेश बजेटमार्फत पूर्वाधार निर्माण अघि बढाइरहेको उनले स्पष्ट पारे। नौकुण्डमा बृहत् खानेपानी योजना अघि बढाइएको छ भने गोसाइँकुण्डमा नेपाल टेलिकमको 2G सेवा विस्तारका लागि सक्रिय पहल भइरहेको छ।

आचार्यले अन्त्यमा भने, “रसुवाको विकासलाई दीर्घकालीन दृष्टिकोणसहित अघि बढाउँछु। स्वास्थ्य, शिक्षा, पर्यटन र पूर्वाधारमा अझ जोड दिनेछु।”