नेपालका एक मात्र डलरे अर्वपति विनोद चौधरीलाई समाउने जिम्मेवारी सिआइबीका नयाँ हाकिमको काँधमा सुम्पिएको छ । सुन तस्करी प्रकरणमा अनुसन्धान गरिरहेका किरण बज्राचार्य लगायतका टोलीलाई नै सरुवा गरेर हालै सिआइबीको नयाँ हाकिमको जिम्मेवारी सम्हाल्न पुगेका छन्,श्याम ज्ञवाली ।
बिज्ञापन
त्रिभुवन विमानस्थल भन्सार कार्यालय बाहिरबाट बरामद भएको झण्डै ६१ केजी सुन र विद्युतीय चुरोट (भेप)मार्फत भित्रिएको सुन तस्करी सम्बन्धमा छानबिन आयोगले दोषी करार गरेसँगै किरण अहिले हेर्डक्वार्टरमा हाजिर भएकी छिन् ।
निगरानीमा परेका छन् ।
उनै ज्ञवालीको काँधमा आइलागेको छ,बाँसबारी छालाजुत्ता कारखानाको जग्गा हिनामिना प्रकरणमा नेपाली काँग्रेसका सांसद समेत रहेका चौधरीसँग बयान लिने जिम्मेवारी ।
बिज्ञापन
सरकारी स्वामित्वको बाँसबारी छालाजुत्ता कारखानाको १० रोपनी जग्गा निजी स्वामित्वको च्याम्पियन फुटवेयर प्रालिलाई बिक्री गरिएको थियो । हाल च्याम्पियन फुटवेयर बन्द भइसकेको छ र त्यसको सम्पत्ति सीजी चाँदबाग रेसिडेन्सी प्रालिको नाममा छ ।
आज बिहान मात्र गृहमन्त्री रवि लामिछाने, गृह सचिव एकनारायण अर्याल र सीआईबीका नवनियुक्त प्रमुख श्यामलाल ज्ञवालीसहित बसेको बैठकमा गृहमन्त्री लामिछानेले यो प्रकरणमा जोडिएका सबैलाई कारबाहीको दायरामा ल्याउन निर्देशन दिएका थिए ।
मन्त्रालयमा भएको छलफलमा मन्त्री लामिछानेले कृष्णबहादुर महरासहित प्रतिवेदनले औंल्याएका निजामती तथा प्रहरी कर्मचारीलाई कारबाही गर्न निर्देशन दिएका हुन् । यस्का अलवा बाँसबारी छाला जुत्ता कारखानाको दस रोपनी जग्गा सरकार मातहत ल्याउने प्रक्रिया आजै सुरु गर्न समेत निर्देशन दिएका छन् । सोका लागि विनोद चौधरीसहितलाई अनुसन्धान प्रक्रियामा ल्याउन प्रहरीको केन्द्रीय अनुसन्धान ब्यूरोले बयान लिने भएको छ।
सोही निर्देशन बमोजिम सांसद विनोद चौधरीलाई बयान लिनका लागि सीआईबीलाई निर्देशन पाएको छ । बाँसबारी छालाजुत्ता कारखानाको जग्गा हिनामिना प्रकरणमा उद्योगपति एवम् सांसद विनोद चौधरीको बयान लिने जिम्मेवारी सिआइबीको प्रमुखको काँधमा आइलागेको हो ।
बिज्ञापन
