बिज्ञापन

बिज्ञापन

स्रोतका अनुसार प्रारम्भिक जाँचका क्रममा गाडीहरू छुटिसकेका थिए। तर समाचार सार्वजनिक भएपछि भन्सार कर्मचारी र सशस्त्र प्रहरीको संयुक्त पुनः परीक्षणमा घोषणापत्रमा उल्लेख गरिएको परिमाण (क्वान्टिटी) र वास्तविक मालवस्तुबीच फरक भेटिएपछि थप कारबाही अघि बढाइएको हो।

उक्त फरकका आधारमा ‘छुट असुल’ शीर्षकमा जरिवाना असुल गरिएको स्रोतको दाबी छ। यसका लागि छुट्टै प्रक्रिया अपनाई सम्बन्धित पक्षबाट रकम असुल गरिएको बताइएको छ।

यद्यपि, प्रारम्भिक जाँचका क्रममा क्वान्टिटीमा भएको फरक पत्ता लगाउन नसक्ने जाँचकी वा संलग्न कर्मचारीमाथि भने हालसम्म कुनै कारबाही नभएको स्रोतले जनाएको छ। यसले भन्सारको जाँच प्रणालीमाथि नै प्रश्न उठाएको छ।

स्रोतका अनुसार उक्त मालवस्तु सिन्धुपाल्चोकका सन्तोष पराजुलीसँग सम्बन्धित रहेको बताइएको छ। मुस्ताङ भन्सार क्षेत्रमा उनको प्रभाव रहेको र आयात–निकासीका गतिविधिमा एकलौटी रूपमा सक्रिय रहेको दाबी पनि स्रोतले गरेको छ।

मुस्ताङ भन्सार फेरि विवादमा : दुई गाडीमा ठूलो परिमाणमा भेप रहेको स्रोतको दाबी