बिज्ञापन

बिज्ञापन

चीनको ल्हेन्दे खोलामा आएको बाढीले असार २४ मा पक्की पुल बगाएपछि रसुवागढी नाका अवरुद्ध छ भने साउन १७ मा खसेको पहिरोका कारण तातोपानी नाका पनि अझै सञ्चालनमा आउन सकेको छैन। फलस्वरूप, दसैं नजिकिँदै गर्दा कोरला नाका एक मात्र विकल्प बनेको हो।

‘दसैंका लागि तयारी लत्ताकपडा, ज्याकेट, स्विटर र विद्युतीय गाडी बढी आयात भइरहेका छन्,’ अधिकृत खड्काले बताए। तर, गाडी चार्जिङ सुविधाको अभाव भने चुनौती बनेको छ। उनका अनुसार चराङमा जेको ब्रान्डका गाडीका लागि ओमोडाले स्टेसन राखेको छ भने बीवाईडीका गाडीलाई पोखराबाट जेनेरेटर ल्याएर चार्ज गर्नुपर्ने बाध्यता छ।

यस नाका सञ्चालनमा आएयता हालसम्म ६१ करोड २४ लाख रुपैयाँ राजस्व संकलन भएको छ। भन्सार अधिकृत खड्काका अनुसार, नेपालबाट चीनसम्म कन्टेनर लैजाने चालकलाई उच्च भू–भागमा गाडी रोकिँदा कठिनाइ भोग्नु परेको छ।

यसरी, मुख्य दुई नाका बन्द हुँदा दसैंका लागि उपभोग्य वस्तु र विद्युतीय गाडी ल्याउने केन्द्र अहिले मुस्ताङको कोरला बनेको छ। तर, स्थायी समाधान नआएसम्म नेपाल–चीन व्यापार निरन्तर जोखिममै रहने देखिन्छ।