सरकारले बरण्डामा रहेका सहसचिवको संयोजकत्वमा पाँच सदस्यीय छानबिन समिति बनाएको छ । सुनसरीको देवानगञ्ज गाउँपालिका–३, कप्तानगन्जमा भएको हिंसात्मक घटनाको छानबिन गर्न गृह मन्त्रालयको बरन्डा शाखामा कार्यरत सहसचिव भुपेन्द्र थापाको संयोजकत्वमा पाँच सदस्यीय छानबिन समिति बनाएको हो । उद्योग मन्त्रालयवाट वन हुँदै गृहको जगेडामा पुगेका थापा बनको कर्मचारी प्रशासन महाशाखा प्रमुख हुँदा सेवाबाट हटाउनु पर्ने कर्मचारीलाई जोगाएको आरोप खेपिरहेका कर्मचारी हुन । यस अघि वनमन्त्री माधव चौलागाई हुँदा उनी वनमा इन्ट्री भएका हुन । यस अघि जुम्ला सहित डोल्पा र सोलुखुम्वुमा समेत प्रमुख जिल्ला अधिकारीको जिम्मेवारी निर्वाह गरिसकेका उनी केही समयदेखि गृहको अतिरिक्त समूहमा थन्काइएका थिए । उनै थापाको संयोजकत्वमा पाँच सदस्यीय छानबिन समिति बनेको हो ।

बिज्ञापन

गृहमन्त्री सुधन गुरुङको निर्देशनपछि गठन गरिएको समितिमा नेपाल प्रहरीका एसपी विपिन रेग्मी, सशस्त्र प्रहरी बलका एसपी विक्रम हुमागाईं, ऊर्जा, जलस्रोत तथा सिँचाइ मन्त्रालयका उपसचिव शालिग्राम भण्डारी तथा जिल्ला प्रशासन कार्यालय सुनसरीका सहायक प्रमुख जिल्ला अधिकारी पोषण लामिछाने सदस्य–सचिव रहेका छन्।