बिज्ञापन

बिज्ञापन

उनी सञ्चालक रहेको लिबर्टीले नेपाल रिइन्स्योरेन्स लिमिटेड र एनएलजी इन्स्योरेन्स कम्पनीको शेयर मूल्य बढाउने तथा प्रभावित पार्ने काम गरेको प्रहरीको निष्कर्ष छ । सिआइबीले पाण्डे समेतले झुटा कारोबार गरेर ९९ लाख हानी पु¥याएको निष्कर्षसहित सो रकम बराबर बिगो मागदावी लिएको छ ।

उसो त गत वैशाखमा मात्र बिद्युतीय बोलपत्र प्रणाली (ई–प्रोक्योरमेन्ट सिष्टम) ह्याक गरी अरबौं रूपैयाँको ठेक्का हात पार्ने ठूला निर्माण ब्यवसायी तथा उनै निकोलसका बुबा विक्रम पाण्डे र ऋषिकेश गौलीलाई सरकारी वकिल कार्यालयले मुद्दा कमजोर पारेर उन्मुक्ति दिएको थियो । पाण्डे र गौलीलाई सिआइबीले नियन्त्रणमा लिएर संगठित अपराध, क्रिप्टो करेन्सी र विद्युतीय कारोबारमा मुद्दा चलाउन प्रतिवेदन दिएकोमा महान्यायाधिवक्ता कार्यालयले विद्युतीय अपराधमा मात्र मुद्दा दायर गरी उन्मुक्ति दिएको थियो । यसरी पाण्डेलाई उन्मुक्ति दिनुको कारण फागुन २१ गतेको निर्वाचनमा उनले रास्वपालाई लगाएको गुन हो भन्छन् रवि लामिछाने निकट केही पत्रकार ।

यसैबीच नक्कली नागरिकतादेखि राजस्व छलीसम्ममा मुछिएका व्यापारी कमलकिशोर मालपानीलाई जोगाउन खोज्दा पूर्व उपप्रधानमन्त्री विष्णु पौडेल जोडिएको मुद्दा कमजोर हुन पुगेको रास्वपाकै कानुनी फाँटबाट संसदीय मैदानमा पुगेका केहीले बताए । कमलकिशोर मालपानीका छोरा नितेश र प्रधानमन्त्री बालेन साहको देश बनाउने टोलीका एक मन्त्री सुनिल लम्साल मिल्ने साथी भएकोले ८ करोड बढी पर्ने डिफेण्डर गाडी चुनावताका कुदाउन दिइएको थियो ।