अष्ट्रेलियामा सेकुवा बेच्दै आएका तर ललितपुरस्थित पशु सेवा विभागमा हाजिरी गरेर तलब भत्ता खाँदै आएका एक उपसचिव सरकारी सेवाबाट हटाइएका छन् । विभागका वरिष्ठ पशु चिकित्सक डा नवीन उपाध्याय घिमिरे अष्ट्रेलियामा बसेर सेकुवा कर्नर सञ्चालन गर्दै आएका थिए ।

बिज्ञापन

अघिल्लो बर्षको चैतदेखि करिब ८ महिना अष्ट्रेलियामा बसेका उपसचिव घिमिरे नेपालमै उपस्थित भएको झैँ हाजिरी लगारहेका थिए । साउन ११ देखि भदौ १ गतेसम्म घर तथा बिरामी बिदा स्वीकृत । भदौ २ देखि मंसिर २२ सम्म कुनै बिदा स्वीकृत समेत थिएन । यस अवधिमा उनी लगातार ११० दिन गैरहाजिरीमा छन् । निजामती सेवा ऐन अनुसार ९० दिनभन्दा बढी गैरहाजिरी भए कारवाही र निलम्बनको प्रक्रिया अगाडि बढाउनुपर्ने उल्लेख छ । तत्कालीन महानिर्देशक डा रामनन्दन तिवारीकै संरक्षणमा हाजिरी मिलाउने खेलोमेलो चलिरहेको बिषयमा गत बर्ष नै कर्मचारी प्रेसमा समाचार प्रकाशन गरेको थियो । ती उपसचिवलाई जागिरबाट जोगाउन असार २९ देखि ९ साउन ०८२ सम्म हाजिरी लगाइएको हाजिरी नै सार्वजनिक गरिएको थियो ।