स्थानीय तहमा हुने ढिलासुस्ती र अनियमिततासम्बन्धी गुनासो अब सिधै मुख्य सचिवले हेर्ने भएका छन् । प्रधानमन्त्री तथा मन्त्रिपरिषद्को कार्यालयका सहसचिव हेमराज अर्यालका अनुसार स्थानीय तहबाट प्रवाह हुने सार्वजनिक सेवामा ढिलासुस्ती, ठेक्का–पट्टा तथा निर्माण कार्यमा हुने अनियमितता, भ्रष्टाचार र बेथितिसम्बन्धी गुनासाको सम्बोधनका लागि सरकारले ‘हेलो सरकार’ पोर्टल तथा गुनासो सुनुवाइका विभिन्न संयन्त्रमार्फत प्राप्त स्थानीय तहसम्बन्धी उजुरी अब नेपाल सरकारका मुख्यसचिवमार्फत प्रभावकारी रूपमा सम्बोधन गर्न लागेको हो ।
बिज्ञापन
प्रधानमन्त्री कार्यालयका अनुसार स्थानीय तहसँग सम्बन्धित गुनासोको छिटो र प्रभावकारी समाधान सुनिश्चित गर्न यस्तो व्यवस्था गरिएको हो । सूचनामा गुनासो दर्ताका लागि हेलो सरकारको विद्युतीय प्रणाली www.gunaso.opmcm.gov.np, निःशुल्क हटलाइन नम्बर ११११, मोबाइल नम्बर ९८५११४५०४५ तथा व्हाटसप नम्बर ९८५११४५०४५ प्रयोग गर्न भनिएको छ ।
