१
बनाउँन सुन्दर संसार भर थपिदिनु
मेरो नाउँमा हजुरको थर थपिदिनु
कहिले रिसाउँला कहिले खुशी हौँला
नमानी झर्को मायाको लहर थपिदिनु
२
मनको आगो अलिकति देखिदिए हुन्थ्यो
कति भनौँ दिलमा नाम लेखिदिए हुन्थ्यो
भन्दा भन्दा बैमानीले बाटो अन्तै मोड्यौ
उसको याद आउने बाटो छेकिदिए हुन्थ्यो
३
पछुतो तिमीलाई पनि जरुर बनाउँला
त्यो ज्यानलाई यो दिलबाट दूर बनाउँला
रातदिन मैले आँसु पिएरै बस्नु भन्दा त
तिमीबाट छुट्टिन दिल मन्जुर बनाउँला

बिज्ञापन