काठमाडौं । बढुवा समितिको सचिवालय, सङ्घीय मामिला तथा सामान्य प्रशासन मन्त्रालयले लोक सेवा आयोगको बढुवा सूचनाअनुसार नेपाल इन्जिनियरिङ सेवाका विभिन्न उपसमूहमा रिक्त रहेका राजपत्राङ्कित द्वितीय श्रेणी (उपसचिव) पदका लागि आठ जना कर्मचारीलाई बढुवाको सिफारिस गरेको छ।
बिज्ञापन
बढुवा समितिको मिति २०८२/०९/२४ को निर्णयअनुसार जेष्ठता र कार्यसम्पादन मूल्याङ्कनका आधारमा योग्यताक्रम कायम गर्दै सिफारिस गरिएको मन्त्रालयले जनाएको छ। निजामती सेवा ऐन, २०४९ को दफा २४(च) अनुसार आवश्यक प्रयोजनका लागि सूचना प्रकाशित गरिएको हो।
बिज्ञापन
सूचनाअनुसार नेपाल इन्जिनियरिङ सेवा, सिभिल इन्जिनियरिङ समूहअन्तर्गत जनरल उपसमूहमा रामशरण आचार्य, सुमन गिरी, प्रवेश रेग्मी र सम्पत न्यौपाने सिफारिस भएका छन्।
त्यसैगरी हाइवे उपसमूहतर्फ नरेश प्रसाद केशरी र किरण सुवेदी बढुवाका लागि अघि सारिएका छन्।
बिज्ञापन
स्यानिटरी उपसमूहमा अंकितमान श्रेष्ठ र ज्योती तामाङ सिफारिस सूचीमा परेका छन्।
मन्त्रालयका अनुसार कानुनी प्रक्रिया पूरा भएपछि सिफारिस कार्यान्वयनमा जानेछ।
