अख्तियार दुरुपयोग अनुसन्धान आयोगले शाखा अधिकृत,लेखापाल,सब इन्जिनियरसहित पाँज जना र एक कम्पनीविरुद्ध भ्रष्टाचार मुद्धा दायर गरेको छ ।
बिज्ञापन
पालिकाको तत्कालीन निमित्त प्रमुख प्रशासकीय अधिकृत मो नसिम राइन, लेखापाल कमलेस कुमार साह र तत्कालीन सब–इन्जिनियर सन्तोष कुमार रजक र ओम गणेशाय कन्स्ट्रक्सन प्रा लि र उक्त कम्पनीका म्यानेजिङ डाइरेक्टर राजीवकुमार साहविरुद्ध पनि अख्तियारले मुद्दा दायर गरेको हो ।
उनीहरूले आठ करोड ९८ लाख २१ हजार ४९६ रुपैयाँ भ्रष्टाचार गरेको आरोप लगाउँदै अख्तियारले विशेष अदालत काठमाडौंमा आइतबार मुद्दा दायर गरेको हो ।
बिज्ञापन
बलानबिहुल गाउँपालिकाका कर्मचारीहरू समेतको मिलेमतोमा गलत बोलपत्र मूल्यांकन गरी राज्यलाई हानिनोक्सानी गरेको भन्ने उजुरी परेपछि अख्तियारले अनुसन्धान सुरु गरेको थियो ।
अनुसन्धान हुँदा उनीहरूले बलानबिहुल गाउँपालिकाको वडा नं ६, सेहरा स्थित जागेश्वर गरहाई जनता मा।वि।को नमुना विद्यालय भवन निर्माण कार्य गर्दा आठ करोड ९८ लाख २१ हजार ४९६ रुपैयाँ अनियमितता गरेको पाइएको अख्तियारद्वारा आइतबार जारी विज्ञप्तिमा उल्लेख छ । दायर गरिएको मुद्दामा जनही आठ करोड ९८ लाख २१ हजार ४९६ रुपैयाँ बिगो मागदाबी गरिएको छ ।
