अख्तियार दुरुपयोग अनुसन्धान आयोगले शाखा अधिकृत,लेखा अधिकृत,लेखापालसहित सात विरुद्ध भ्रष्टाचार मुद्धा दायर गरेको छ ।
बिज्ञापन
अख्तियारले कपिलबस्तु जिल्लाको मायादेवी गाउँपालिकाका तत्कालीन प्रमुख प्रशासकीय अधिकृत सहित ७ जनालाई प्रतिवादी बनाउँदै विशेषमा मुद्धा लगेको हो ।
बिज्ञापन
आयोगले पालिकाका तत्कालीन प्रमुख प्रशासकीय अधिकृत रामचन्द्र ढकाल, सिनियर अहेव महेन्द्र प्रसाद यादव, कृष्ण प्रसाद तिमिल्सिना, प्रमेश्वर यादव, लेखा अधिकृत प्रकाश गौतम, लेखापाल तुल्सीराम पौडेल र लेखा सहायक गिरीराज गौतम विरुद्ध मुद्दा दायर गरेको जनाएको छ ।
सो पालिकामा कार्यरत सिनियर अहेव यादवले आर्थिक वर्ष २०७५÷०७६ देखि पालिकामा विभिन्न काम गर्नका लागि पेश्की लिएको र फछ्यौट नभएको, बेरुजु देखिएको भन्दै उनीहरुलाई ४६ लाख ७ हजार ३ सय रुपैयाँ मागदावी गर्दै मुद्दा दायर गरेको अख्तियारले जनाएको छ ।
बिज्ञापन
