बिज्ञापन

बिज्ञापन

उनका अनुसार प्रतिकूल मौसमका कारण २०८२ असोज १  गते मर्मत कार्य गर्न नसकिए पनि सो अवधिमा काठमाडौं चक्रपथको महाराजगन्ज–बसुन्धरा तथा बालाजु बाइपास सडक खण्डमा आधार तह (बेस लेयर) राख्ने काम गरिएको थियो।

खाल्डाखुल्डीमुक्त अभियानअन्तर्गत  २ गते बेलुकी महाराजगन्ज–बसुन्धरा खण्डमा प्याच मर्मत सम्पन्न गरिएको थियो। सोही क्रममा  ३ गते चण्डोल–टुडालदेवी–विशालनगर–भाटभटेनी–छाता गणेश–गैरिधारा सडकमा चिसो मिश्रण (कोल्डमिक्स) प्रयोग गरी मर्मत गरिएको थियो।

त्यसैगरी  ४ गते बालुवाटार–गैरिधारा–नारायणचौर–नागपोखरी–जयनेपाल–दरवारमार्ग–रत्नपार्क–भद्रकाली–कमलादी–कृष्णपाउरोटी–केशरमहल सडकमा समेत चिसो मिश्रण प्रयोग गरी मर्मत सम्पन्न भएको डिभिजनले जनाएको छ।

 ५ गते बालुवाटार, केशरमहल, ठमेल, क्षेत्रपाटी, शोभाभगवती, भगवानपाउ र छाउनी सडक खण्डमा तातो मिश्रण (हटमिक्स) प्रयोग गरी मर्मत गरिएको थियो।  ६ गते संगमचोक, मिलनचोक, भिमसेनगोला, पुरानो सिनामंगल, पुरानो बानेश्वर, डिल्लिबजार, बागबजार र रत्नपार्क क्षेत्रमा चिसो मिश्रण प्रयोग गरी काम सम्पन्न गरिएको हो।

यस्तै,  ७ गते गौशाला–पशुपति सडक, मित्रपार्क–पशुपति क्याम्पस र चुच्चेपाटीमा तातो मिश्रण प्रयोग गरी मर्मत गरिएको छ भने महाराजगन्ज–बाँसबारी–गोल्फुटार सडकमा  ८ गते बेलुकी चिसो मिश्रण प्रयोग गरी मर्मत गरिएको छ। ९ गते कालिमाटी, बल्खु, बल्खु–दक्षिणकाली, चाल्नाखेल, टौदह र चोभार सडक खण्डमा पनि तातो मिश्रण प्रयोग गरी प्याच मर्मत सम्पन्न गरिएको सडक डिभिजन काठमाडौंले जनाएको छ।

प्रमुख देवकोटाका अनुसार, प्रतिकूल मौसमका बाबजुद काठमाडौं जिल्लाका सडकहरूलाई खाल्डाखुल्डीमुक्त बनाउनको लागि अभियानलाई प्राथमिकताका साथ अगाडि बढाइएको छ।