सूचना विभागमा महानिर्देशकमा उदयबहादुर राना नियुक्त भएका छन् ।
बिज्ञापन
यस अघिका महानिर्देशक प्रदीप परियारविरुद्ध गत जेठ २८ मा अख्तियारले भ्रष्टाचार मुद्धा दायर गरेसँगै विभाग निमित्त डिजीको भरमा चल्दै आएको थियो । विभागले झण्डै तीन महिना पछि महानिर्देशक पाएको हो ।
नुवाकोट स्थायी ठेगना भएका राना यस अघि प्रधानमन्त्री तथा मन्त्रिपरिषद्को कार्यालयमा थिए । उनलाई राजश्व अनुसन्धान विभागको महानिर्देशक बनाउने तयारी थियो तर त्यहाँ तिर्थराज चिलुवालले बाजी मारे ।
बिज्ञापन
यस्तै प्रधानमन्त्री कार्यालय मातहत रहेको सम्पत्ति शुद्धीकरणबाट सुमन दाहाल अर्थ मन्त्रालयमा पुगेसँगै रानालाई सम्पत्ति शुद्धीकरणमा खटाइने आँकलन गरिएको थियो तर त्यहाँ कृष्ण प्रसाद मैनालीलाई पठाइएको छ ।
मैनाली यसअघि बागमती प्रदेशको आर्थिक मन्त्रालयको सचिव थिए। उनले बिहीबारदेखि विभागमा कार्यभार सम्हालिसकेका छन् ।
रानालाई अस्ति भएको सरुवामा सञ्चार मन्त्रालयमा खटाइएको थियो । यस अघि झापाका प्रमुख जिल्ला अधिकारी हुँदै हङकङको महावाणिज्यदूत नियुक्ति भएका रानाले यसअघि गुल्मी, नवलपरासी पूर्व, नवलपरासी पश्चिम, रुपन्देही र काभ्रेको प्रमुख जिल्ला अधिकारीका रुपमा काम गरिसकेका छन्।
