सरकारले निजामती सेवा ऐन विपरित अवकाशको मुखमा रहेका आधा दर्जन सहसचिवहरुलाई सरुवा गरेको छ ।
गत साउन २६ गतेको मन्त्रिपरिषद्को निर्णय अनुसार एकै लटमा ७२ सहसचिवहरु चलाइँदा अवकाशको मुखमा रहेका आधा दर्जन सहसचिवहरु समेत हेरफेर गरिएको हो । जीवनका तीन दशक उर्जाशील समय निजामती सेवामा बिताएका कर्मचारीहरुलाई अवकाशको डिलमा अपमानजनक ढंगबाट ऐन विपरित सरुवा गरिएको हो ।
बिज्ञापन
सामान्यतया अवकाशको मुखमा रहेका कर्मचारीहरुको सरुवा गर्ने प्रचलन छैन। निजामती सेवा ऐन विपरित सहसचिवहरु कुमार प्रसाद दाहाल,गणेशराज वस्ति,ज्ञानप्रसाद ढकाल,लालवावु कवारी लगायतका सहसचिवहरुलाई अवकाशको मुखैमा सरुवा गरिएको छ ।
बिज्ञापन
विचौलिया र कालाबजारीयाहरुविरुद्ध एक्सन लिइरहेका सहसचिव कुमार दाहाललाई पाँच महिनामै उपभोक्ता हित संरक्षण विभागबाट समावेशी आयोगमा थन्काइएको छ । यस्तै अवकाशको तीन महिना अवधिमात्र बाँकी रहेका इ गणेशराज वस्तीलाई शहरी विकास मन्त्रालयबाट मधेश प्रदेशतिर ठेलिएको छ । कुमार र इ वस्ति एकै दिन आगामी मंसिर १४ मा अनिवार्य अवकाशमा जाँदै छन् । यस्तै आगामी मंसिर पहिलो साता अवकाशमा जान थालेका ज्ञानप्रसाद ढकाललाई रक्षा मन्त्रालयबाट श्रम, रोजगार तथा सामाजिक सुरक्षा मन्त्रालयमा लगिएको छ । यस्तै मंसिर महिनामा अवकाश हुन लागेका गृहको जगेडामा रहेका सहसचिव लालबाबु कवारी मधेश प्रदेशतिर अपमानजनक ढगले सरुवा गरिएको छ ।
बिज्ञापन
