भन्सारका चार कर्मचारीहरु निलम्बनमा परेका छन् । राजश्व छली हुने गरी जाँचपासमा सक्रिय एक अधिकृत र तीन नासु निलम्बनमा परेका हुन ।जनकपुर भन्सार कार्यालयमा कार्यरत अधिकृत रमेश नेपाली, नासु चमन देवकोटा, चेत नारायण श्रेष्ठ र नविन कुमार पाण्डे रहेका छन् ।
बिज्ञापन
प्रज्ञापन पत्रमा घोषणा भएका भन्दा फरक बस्तु ल्याइएको खुलेपछि चार कर्मचारीसहित ३० जनालाई प्रतिवादी बनाएर अदालतमा मुद्धा चलाएसँगै ती कर्मचारीहरु स्वत निलम्बनमा परेका हुन । राजस्व छलि हुनेगरी माल सामान जाँचपास गरेको भन्दै राजस्व अनुसन्धान पथलैयाले उच्च अदालत जनकपुरको अस्थायी इजलास, वीरगञ्जमा मुद्दा दायर गरेपछि ती चार कर्मचारी निलम्बित भएका हुन् ।
बिज्ञापन
जनकपुर भन्सार कार्यालयबाट २०८१ असोज ६ गते जाँचपास भएका दुई वटा मालवाहक ट्रकहरुमा भएका कुर्ता सुरुवाल लगायतका मालवस्तुहरुको राजस्व अनुसन्धान कार्यालय पथलैया, बाराले भौतिक निरीक्षण गर्दा प्रज्ञापन पत्रमा घोषणा भएका भन्दा फरक मालवस्तुहरु फेला परेको थियो । भारतीय सैनिकबाट सेवा निवृत्त भई नेपाल फर्किएका ३४ जनाले आफ्ना झिटी गुण्टाको नाममा राजस्व छलि गर्ने उदेश्यले विभिन्न सामानहरु ल्याएको अनुसन्धानको क्रममा खुलेको छ ।
सोको विस्तृत अनुसन्धाबाट भारत निवासी महम्मद आलम, शेरबहादुर सिंह, नुवाकोटका अमृत कुमार श्रेष्ठ, लमजुङका महेन्द्र गुरुङ, गुल्मीका रुद्र प्रसाद श्रेष्ठ, र हरि कृष्ण आले समेत २५ जना भूतपूर्व भारतीय गोर्खा सैनिकहरु गरी जम्मा ३४ जना प्रतिवादीहरु विरुद्ध राजस्व चुहावटको अभियोगमा मुद्दा दायर भएको छ ।
उनीहरु उपर राजस्व चुहावट (अनुसन्धान तथा नियन्त्रण) ऐन, २०५२ को दफा २ (१) बमोजिम ५ करोड ३६ लाख बिगो कायाम गरेको छ । यस्तै ऐनको दफा २३ (१) बमोजिम जफत गरी विगोको शतप्रतिशतले हुने जरिवाना रकम ५ करोड ३६ लाख गरी जम्मा रकम १० करोड बिगो माग दाबी गरेको छ ।
बिज्ञापन
यही प्रकरणमा सहयोगीको भूमिका खेलेका चार कर्मचारी निलम्बन भएका हुन । राजस्व अनुसन्धान कार्यालय पथलैयाले अर्थ मन्त्रालयलाई पत्राचार गरेपछि अधिकृत रमेश नेपाली, नासु चमन देवकोटा, चेत नारायण श्रेष्ठ र नविन कुमार पाण्डे रहेका छन् ।
