एक जना युवक पित्तथैलीको शल्यक्रिया गर्न अस्पताल गएका थिए । तर डाक्टरहरूले ती पुरुषको भ्यासेक्टोमी गरेर पठाएका छन् । ४१ वर्षका जोर्ज बसेतो कोर्दोबाको फ्लोरेन्सियो दियाज प्रोभिन्सियल हस्पिटलमा पित्तथैलीको अपरेसनका लागि गएका थिए ।
बिज्ञापन
अपरेसन फेब्रुअरी मंगलबार फेब्रुअरी २८ मा हुने भनिएको थियो । तर केही परिस्थितिका लागि अपरेसन बुधबारका लागि सर्यो । अपरेसनको दिनमा अस्पतालका एक कर्मचारी बिरामीको कोठामा आए । उनलाई स्ट्रेचरमा राखे अनि एक शब्द नसोधी, बिरामीको चार्ट नै नहेरी उनलाई शल्यक्रिया गर्ने कोठामा लगे । डाक्टरले पनि बिरामीको चार्टमा छड्के नजर लगाउने कष्ट गरेनन् । सो दिन जुन शल्यक्रिया गर्ने शेड्यूल थियो त्यही गरे । अर्थात् पित्तथैलीको शल्यक्रिया गर्न गएका पुरुषको भ्यासेक्टोमी गरियो ।
बिज्ञापन
जोर्जलाई होस आएपछि के भइरहेछ भन्ने पत्तो नै पाएनन् । एक जना डाक्टर उनलाई हेर्न आए । अनि उनलाई झट्का दिए । आफ्नो पित्तथैलीको अपरेसन नभएर भ्यासेक्टोमी भएको भनेर डाक्टरबाट उनले थाहा पाए । केही बेर त बिरामी अवाक भए । त्यसपछि उनी आत्तिन थाले । तर उनीसँग धेरै समय थिएन । उनको पित्तथैलीको शल्यक्रिया गरियो । कहाँ त्रुटी भयो अनि भ्यासेक्टोमी उल्ट्याउन के गर्नु पर्छ भनेर सोच्न लागे । एक अर्कालाई दोष लगाउन व्यस्त डाक्टरहरूले उल्टै जोर्जलाई बढी ‘ड्रामाटिक’ नहुन भनिरहेका थिए ।
बिज्ञापन
