सरकारले विभिन्न ६ वटा मुलुकका राजदूतको म्याद थप गरेको छ । कार्यकाल सकेर नेपाल फर्कन लागेका ६ राजदूतको समयावधि सरकारले अनिश्चितकालका लागि थप गरेको हो । गत बुधबार बसेको मन्त्रिपरिषद् बैठकले आगामी भदौमा म्याद सकिन लागेका परराष्ट्र सेवाका छ जना राजदूतको कार्यकाल अनिश्चित समयसम्मका लागि म्ब्याउने निर्णय गरेको हो ।

बिज्ञापन

आगामी भदौमा म्याद सकिन लागेका परराष्ट्र सेवा समूहबाट नियुक्त ६ जना राजदूतको म्याद भने सरकारले थप गरेसँगै परराष्ट्रका कर्मचारीहरु असन्तृष्ट बनेका छन् । सरकारले राजनीतिक नियुक्ति र परराष्ट्र सेवाबाट गरी आधा आधा अर्थात ५०/ ५० प्रतिशत राजदूत खटाउँदै आएको छ । जसमध्ये परराष्ट्र सेवाका राजदूत अर्थात करिअर डिप्लोम्याटहरु पदावधि थपिएको हो । यसरी पदावधि थपिएका राजदूतहरूमा बंगलादेशका घनश्याम भण्डारी, ब्रजिलका निर्मलराज काफ्ले, अस्ट्रियाका भरतराज रेग्मी, म्यानमारका हरिश्चन्द्र घिमिरे, बहाराइनका तीर्थराज वाग्ले र इजिप्टका सुशील लम्साल छन् ।