भूमि व्यवस्था सहकारी संघीय मामिला तथा सामान्य प्रशासन मन्त्रालयले २ जना अधिकृतस्तरका कर्मचारीलाई सरकारी सेवाबाटै हटाउने गृहकार्य अगाडि बढाएको छ । मन्त्रालयले यस अघि नै डिभि पिआर लिएर विदेशमा बसिरहेको पाइएका चार जना अधिकृतलाई स्पष्टीकरण सोधिएकोमा दुई जनाले जबाफ पठाएको र चित्त बुझ्दो जबाफ नपठाएका दुई अधिकृतहरुलाई सेवाबाट बर्खास्त गर्ने प्रक्रिया अगाडि बढाइएको हो । मन्त्रालयका अनुसार, विदेशी मुलुकको आवासीय अनुमति लिएर बसेका नापीका २ अधिकृतहरुलाई सरकारी सेवाबाट बर्खास्त गर्न लागिएको हो ।
बिज्ञापन
पढ्न भनेर विदेश गएका नापी अधिकृतहरू निमिषा वाग्ले र रमेशकुमार पोखरेलहरुले उतैको आवासीय अनुमति लिएर बसेका मन्त्रालयको दावी छ । वाग्लेसँग स्थायी आवासीय अनुमतिपत्र (पिआर) नापी अधिकृत पोखरेलसँग अमेरिकाको डिभी परेर पलायन भएको पाइएको भन्दै मन्त्रालयले यस अघि गत असार १७ मा चार जना कर्मचारीहरुसँग स्पष्टीकरण माग गरिएको थियो । तर तीमध्ये बाग्ले र पोखरेलले कुनै जबाफ पेश नगरेको पाइएपछि मन्त्रालयले निमिषा वाग्ले र रमेश पोखरेललाई भविष्यमा सरकारी सेवाका लागि अयोग्य नहुने गरी सेवाबाट हटाइने गृहकार्य अगाडि बढेको मन्त्रालयले जनाएको छ ।
