सरकारले आठ जना सहसचिवहरुको सरुवा गरेको छ ।
अस्ति शुक्रबार बसेको मन्त्रिपरिषद्को बैठकले विभिन्न मन्त्रालय,मुख्यमन्त्री तथा मन्त्रिपरिषद्को कार्यालय र सामान्य प्रशासनको अतिरिक्त समूहमा रहेका सहसचिवहरुको सरुवा गरेको हो ।
सरुवाको सूची अनुसार गृहबाट सहसचिव केदारनाथ शर्मा अर्थमा पुगेका छन् भने भ्रष्टाचार मुद्धा लागेर निलम्बनमा परी हालैमात्र विशेषबाट सफाइ पाएका प्रदीप परियारलाई सामान्य प्रशासन मन्त्रालय,मुख्यमन्त्री तथा मन्त्रिपरिषद् कार्यालय,मधेश प्रदेशमा सरुवा भएका धर्मेन्द्र कुमार मिश्रलाई गृहमै सारिएको छ ।
यस्तै,काठमाडौंका प्रमुख जिल्ला अधिकारी रहँदा जेनजीको आन्दोलन दमन गरेको आरोपमा गृह हुँदै सामान्यमा तानिएका छविलाल रिजाललाई मुख्यमन्त्री तथा मन्त्रिपरिषद्को कार्यालय गण्डकी प्रदेश,नेपाल स्वास्थ्य सेवाका विश्ववन्धु बगाले गण्डकी प्रदेश मुख्यमन्त्री तथा मन्त्रिपरिषद्को कार्यालयबाट स्वास्थ्य तथा जनसंख्या मन्त्रालयमा ल्याइएको छ ।
सरुवाको सूची अनुसार,युवानिधि बसौलालाई स्वास्थ्य मन्त्रालयबाट गण्डकी प्रदेश,मधेश प्रदेशबाट ओम प्रकाश यादवलाई स्वास्थ्यमा ल्याइँदा राम आधार यादव मन्त्रालयबाट मधेश प्रदेश मुख्यमन्त्री तथा मन्त्रिपरिषद्को कार्यालयमा पुगेका छन् ।
बिज्ञापन
