बिज्ञापन

बिज्ञापन

सरुवा भएका कर्मचारीहरुलाई तीन भित्र रमाना दिई सोको जानकारी मन्त्रालयमा पठाउन परिपत्र गरेको छ ।

मन्त्रालयले नेपाल सरकारको मन्त्रिपरिषद्को निर्णय,मन्त्रालय,सचिवालय,आयोग तथा कर्यालयहरुबाट विभिन्न मितिमा निजामती सेवा ऐन,कर्मचारी समायोजन ऐन,स्थानीय सरकार ऐन अनुसार विभिन्न स्थानीय तहमा प्रमुख प्रशासकीय अधिकृतको रुपमा खटाइएका कर्मचारीहरु खटाएको ठाउँमा नगएको पाइएकोले निजामती सेवा नियमावली २०५० को नियम ४० बमोजिम रमाना हुनुपर्ने व्यवस्था रहेकोले हालसम्म पनि रमाना नलिएको र नदिएको कारण सार्वजनिक सेवा प्रवाहमा प्रत्यक्ष असर परेको हुँदा तत् तत् कर्मचारीहरुलाई खटाइएको ठाउँमा तीन दिनभित्र रमाना लिइ सो को जानकारी गराउन मन्त्रालयले आयोग,सचिवालय,कार्यालय,प्रदेश र सबै स्थानीय तहलाई परिपत्र गरेको छ ।

संघीय मामिला तथा सामान्य प्रशासन मन्त्रालयले यस अघि रमाना भई नजाने कर्मचारीलाई उपलब्ध गराएको सेवा, सुविधा र पारिश्रमिक सम्बन्धित कार्यालय प्रमुख र आर्थिक प्रशासन प्रमुखबाट असुलउपर गर्नेसमेत निर्णय गरे पनि यस्ता निर्णयहरु पानीका फोका बन्दा कर्मचारीहरु जब्बर बन्न पुगेका छन् ।