पर्सास्थित नापी कार्यालयमा चलिरहेको अवैध लेनदेनको नक्सो फेरी उदांगो परेको छ। अख्तियार दुरुपयोग अनुसन्धान आयोगको टोलीले वीरगञ्ज–३, आदर्शनगरमा कार्यरत नापी कार्यालयका दुई कर्मचारीलाई १ लाख रुपैयाँ घुससहित सोमबार रंगेहात पक्राउ गरेको हो।
बिज्ञापन
समातिनेमध्ये सर्भेक्षक राम प्रमोद राउत र कार्यालय सहयोगी अरुण प्रसाद उपाध्यायले सेवाग्राहीको छुटिएको जग्गा दर्ता प्रक्रिया छिटो पारिदिने नाममा रकम माग्दै आएका थिए।
बिज्ञापन
सेवाग्राहीबाट आएको गुनासोपछि अख्तियारको केन्द्रीय कार्यालय, टंगालबाट खटिएको टोलीले निगरानी बढाउँदै दुवै जनालाई घुस बुझिसकेकै अवस्थामा नापी टोली बस्ने कक्षमै नियन्त्रणमा लिएको हो।
घटना सार्वजनिकसँगै कार्यालयभित्रको कर्मचारीको संलग्नता र भूमाफियासँगको सम्भावित सञ्जालबारे पनि प्रश्न उठ्न थालेका छन्। अख्तियारले दुवै जनालाई custodyमा राखी थप अनुसन्धान चलाइएको जानकारी दिएको छ।
बिज्ञापन
