अख्तियार दुरुपयोग अनुसन्धान आयोगले नापी सर्भेक्षक र कार्यालय सहयोगीलाई घुसससिहत पक्राउ गरेको छ ।
बिज्ञापन
उनीहरूले छुट जग्गा दर्ता गरिदिने भन्दै सेवाग्राहीसँग एक लाख घुस लिइरहेको अबस्थामा अख्तियारको टोलीले उनीहरुलाई रंगेहात पक्राउ गरेको हो । यसरी पक्राउ पर्नेमा वीरगञ्जबाट नापी कार्यालयका सर्भेक्षक राम प्रमोद राउत र कार्यालय सहयोगी अरुण प्रसाद उपाध्याय रहेका छन्।
बिज्ञापन
सेवाग्राहीबाट घुस माग गरेको भन्ने सूचनाका आधारमा अख्तियारको केन्द्रीय कार्यालय, टंगालबाट खटिएको टोलीले उनीहरूलाई सेवाग्राहीबाट घुस लिइसकेको अवस्थामा वीरगञ्ज महानगरपालिका ३, आदर्शनगरस्थित नापी टोलीको कार्यालयबाटै रकमसहित नियन्त्रणमा लिएको हो।
अख्तियार दुरुपयोग अनुसन्धान आयोगको केन्द्रीय कार्यालय टंगालबाट खटिएको टोलीले मंगलबार उनीहरूलाई पक्राउ गरेको जनाइएको छ ।
बिज्ञापन
पक्राउ परेका दुवै जनामाथि थप अनुसन्धान भइरहेको अख्तियारले जनाएको छ।
