निर्वाचन आयोगमा १२२ दल दर्ता भएका छन् । २८ वटा दल भने दर्ता प्रक्रियामा रहेका छन् । प्रतिनिधिसभाको निर्वाचन घोषणा भएपछि सात वटा नयाँ राजनीतिक दल दर्ता भएका छन् । यस्तै यही अवधिमा सातवटा दल खारेज भएका छन् भने सातवटा नयाँ दलले प्रमाणपत्र पाएका छन् ।
बिज्ञापन
एउटा राजनीतिक दललाई सर्वोच्चले खारेज गर्न आदेश दिएअनुसार र बाँकी ६ दल नेतृत्वको आग्रहमा खारेज गरिएको निर्वाचन आयोगले जनाएको छ । आयोगका अनुसार विभिन्न २८ दल दर्ता प्रक्रियामा रहेको बताए ।
बिज्ञापन
भदौ २७ गते प्रतिनिधिसभा विघटन भई नयाँ निर्वचन मिति घोषणा भएको थियो । भट्टराईले फागुन २१ मा हुने प्रतिनिधिसभा निर्वाचनको लागि नयाँ दल दर्ता गर्ने आज अन्तिम दिन भए पनि दल दर्ता प्रक्रिया नियमित चलिरहने बताए । प्रतिनिधिसभा र राष्ट्रियसभा निर्वाचनमा सहभागी हुने प्रयोजनको अवधिभित्र दल दर्ता प्रमाण पत्र पाएका दलहरूले निर्वाचनमा सहभागी हुन पाउनेछन् ।
दर्ताको प्रक्रियामा रहेका दलले कागजात पूरा गर्न नसके प्रतिनिधिसभा निर्वाचनमा सहभागी हुन नपाउने आयोगले जनाएको छ ।
बिज्ञापन
यसैगरी आयोगका अनुसार निर्वाचन आयोगमा हालसम्म २ लाख ८५ हजारले मतदाता परिचयपत्र लिएका छन् । आयोगले दल दर्तासँगै मतदाता नामावली संकलनको काम पनि तीव्र रूपमा चलिरहेको जनाएको छ। मतदाता नाम दर्ता आगामी ५ मंसिरसम्म जारी रहनेछ।
