काठमाडौं । शहरी विकास मन्त्रालयले सहसचिवस्तरमा व्यापक सरुवा गरेको छ। प्रशासनिक चुस्ती र काम गर्ने वातावरण सुदृढ बनाउने उद्देश्यसहित गरिएको हेरफेरअन्तर्गत भवन निर्माण विभागमा सहसचिव रविन्द्र बोहरालाई महानिर्देशक नियुक्त गरिएको छ।
बिज्ञापन
त्यसअघि सो विभागका महानिर्देशक रहेका मचाकाजी महर्जनलाई अधिकार सम्पन्न बागमती सभ्यता एकाइमा पठाइएको छ। विभागका उप–महानिर्देशक प्रकृण तुलाधरलाई काठमाडौं उपत्यका विकास प्राधिकरणमा जिम्मेवारी दिइएको छ भने त्यहाँ कार्यरत लिला खतिवडालाई विभागमा सरुवा गरिएको छ।
बिज्ञापन
त्यस्तै, मन्त्रालयका सहसचिव रोशन श्रेष्ठलाई भवन प्रविधि शाखा, र सहसचिव एकराज आचार्यलाई भौतिक योजना तथा समन्वय शाखा सम्हाल्ने जिम्मेवारी तोकिएको छ।
मन्त्री कुलमान घिसिङका अनुसार यो निर्णयले मन्त्रालयभित्र पारदर्शिता र कार्यक्षमता बढाउने विश्वास गरिएको छ। उनका निकट स्रोतका भनाइअनुसार विभाग र मन्त्रालयबीच देखिएको समन्वय कमजोरी र केही ‘निष्क्रिय टिम’का कारण यस्तो सरुवा आवश्यक भएको हो।
बिज्ञापन
