बिज्ञापन

बिज्ञापन

स्थानीय सरकार सञ्चालन ऐन, २०७४ को दफा ७१ अनुसार खर्च आन्तरिक आयको सीमा र औचित्यका आधारमा मात्र गर्नुपर्ने स्पष्ट व्यवस्था छ। तर, कोडैनाले सो प्रावधानको अवहेलना गर्दै ‘विविध खर्च’ शीर्षकमा रु. १६ लाख ९६ हजार व्यय गरेको देखिएको छ।

प्रतिवेदनअनुसार गाउँपालिकाको कार्यालय स्तरमा मात्रै खानाखाजामा रु. १० लाख खर्च गरिएको छ भने वडा तहमा थप रु. ६ लाख ९६ हजार खर्च भएको उल्लेख छ। तर सो रकम कसरी, कहाँ र कुन प्रयोजनका लागि प्रयोग गरियो भन्नेबारे कुनै प्रमाण वा कागजात संलग्न नगरिएको प्रतिवेदनमा स्पष्ट गरिएको छ।

महालेखा नियन्त्रक कार्यालयको वर्गीकरण र व्याख्या २०७४ अनुसार ‘विविध खर्च’ शीर्षक अन्तर्गत केवल अतिथि सत्कार, सुरक्षा, प्रतिनिधिमण्डल स्वागत वा मनोरञ्जनका लागि सीमित खर्च गर्न पाइन्छ। तर, कोडैना गाउँपालिकामा सो मापदण्डविपरीत अत्यधिक रकम खर्च गरिएकाले वित्तीय अनुशासनमा गम्भीर प्रश्न उठेको प्रतिवेदनले औंल्याएको छ।

स्थानीय तहमा यसरी ‘खाना-खाजाको बहानामा’ लाखौं रुपैयाँ स्वाहा हुँदा पारदर्शिता र जवाफदेहितामाथि प्रश्न उठ्न थालेका छन्। स्थानीयबासीले यस्तो खर्चमा अख्तियार र सम्बन्धित निकायको चासो हुनुपर्ने माग गरेका छन्।