काठमाडौँ — जेन–जी आन्दोलनका क्रममा सिंहदरबारबाट लुटिएको सामग्री बागबजारस्थित एक कन्सल्टेन्सीमा फेला परेको छ। प्रहरीले छापा मारेर सरल शिक्षा एकेडेमी नामक कन्सल्टेन्सीबाट एउटा प्रिन्टर बरामद गरेको छ।
बिज्ञापन
प्रहरी वृत सिंहदरबारबाट खटिएको टोलीले शुक्रबार दिउँसो एकेडेमीमा छापा मारेको थियो। प्रहरीले घटनास्थलमै प्रिन्टरको मुचुल्का उठाएर बरामद गरेको जनाएको छ।
बिज्ञापन
एकेडेमीकी सञ्चालक उषा भट्ट रहेको खुलेको छ, तर प्रहरीले उनलाई पक्राउ गरेको छैन। प्रहरी स्रोतका अनुसार एकेडेमीका केही कर्मचारीहरूले जेन–जी आन्दोलनका बेला सिंहदरबारभित्रबाट सामग्री चोरी गरी ल्याएको प्रारम्भिक अनुसन्धानमा देखिएको छ।
वृत्त प्रमुख डिएसपी जनार्दन घिमिरेका अनुसार सो कन्सल्टेन्सीले यसअघि पनि एउटा प्रिन्टर प्रहरीलाई फिर्ता गरिसकेको थियो। “अहिले पनि त्यस्तै सूचना प्राप्त भएकाले थप सामग्रीको सत्यता बुझ्ने काम भइरहेको छ,” उनले भने।
बिज्ञापन
प्रहरीले यस घटनालाई जेन–जी आन्दोलनपछिका ‘सिंहदरबार लुटपाट प्रकरण’सँग जोडेर अनुसन्धान अघि बढाएको छ।
