बिज्ञापन

बिज्ञापन

अख्तियारमा परेको उजुरीलाई हवाला दिँदै प्रकाशित उक्त समाचारमा उल्लेख भएजस्तो स्वास्थ्य उपकरण तथा मेशिन खरिदमा ‘स्पेश लक’ गरिएको बिषय झूठो रहेको खण्डनमा जनाइएको छ । स्वास्थ्य सेवा विभागमा अहिलेसम्म सरुवा नै नभएको व्यक्तिलाई विभागमा बिशेषज्ञको रुपमा रहेर ३० करोडको मेशिन खरिदमा १० करोडको भ्रष्टाचार भनिएको बिषयलाई समेत खण्डन गरिएको छ ।

यस्तै,सिन्धुली अस्पतालमा रहदाँ अस्पतालको झूटो सूचकांक बनाएर उच्च अंक हासिल गरिएको बिषयमा सूचकांक बनाएर मूल्यांकन गरि अंक प्रदान गर्ने निकाय केन्द्रीय सरकारको मातहतको निकायको रहने र अस्पतालको कुनै भूमिका नरहने भन्दै सो समाचार चरित्रहत्या गर्ने मनशायले प्रकाशित गरिएको भनिएको छ ।

आजको दिनसम्म सबै ठाउँमा काम गर्दा उत्कृष्ट काम गरेको विशेषज्ञहरुको मूल्यांकनबाटै विभिन्न मान पदवी एवं पुरस्कार पाएको वास्तविकता बिभिन्न राष्ट्रियस्तरका सञ्चार माध्यममा प्रकाशित भएको जानकारी हुँदाहुदै त्यसलाई छोप्ने गरि गलत समाचारबाट भ्रम फैलाई चरित्र हत्या गरिएको भन्दै आपत्ति जनाइएको छ ।

अख्तियार अनुसन्धान आयोग वा अरु कुनै आयोगबाट भ्रष्टाचारको छानबिन हुँदा पूर्ण रुपमा सहयोग गर्ने र कुनै पनि आपत्ति नरहने जनाउँदै प्रेषित खण्डमा भनिएको छ,देश र विरामीलाई हानी हुने गरि कुनै काम नगरेको र काम गर्ने दौरानमा कुनै त्रुटी भएमा सजाय भोग्न सधै तयार रहेको समेत जानकारी गराइएको छ ।