बिज्ञापन

बिज्ञापन

घटनापछि उनलाई तत्काल जनकपुरधामकै अस्पतालमा लगिएको थियो। तर स्वास्थ्य अवस्था जटिल भएपछि मंगलबार थप उपचारका लागि काठमाडौँको नर्भिक अस्पताल स्थानान्तरण गरिएको थियो। नर्भिकमा उपचार भइरहेको बेला उनको निधन भएको परिवारका स्रोतले जनाएको छ।

डा. मिश्र केही महिनाअघि मात्र जनकपुरधामको बसहिआ रोडमा सञ्चालनमा आएको सुविधा सम्पन्न सोनासती अस्पतालमा कार्यरत थिए। सोही अस्पतालका सञ्चालक अनिल मिश्राका कान्छा छोरा समेत रहेका उनी जनकपुरको चिकित्सा क्षेत्रमा उदाउँदो चिकित्सकका रूपमा परिचित थिए।

उनको असामयिक निधनले जनकपुरका चिकित्सक समुदाय र स्थानीयवासी शोकमा डुबेका छन्। सहकर्मीहरूले उनी मेहनती, सेवाभावी र जिम्मेवार चिकित्सकको रूपमा परिचित रहेको स्मरण गरेका छन्।

स्थानीय चिकित्सक संघले उनको योगदानको कदर गर्दै श्रद्धाञ्जली व्यक्त गरेको छ। अन्त्येष्टि सम्बन्धी कार्यक्रमबारे पारिवारिक स्रोतले पछि जानकारी दिने जनाएको छ।