संघीय मामिला तथा सामान्य प्रशासन मन्त्रालयले यस अघि स्थानीय तहमा खटाएकामध्ये ६ उपसचिव चाँजो पाँचो मिलाएर गृहमा फिर्ता भएका छन् ।
यस अघि भगवती न्यौपाने सामान्य प्रशासन मन्त्री हुँदा स्थानीय तहमा निमित्तको राज अन्त्य गर्ने भन्दै नगरपालिकामा उपसचिवहरु र गाउँपालिकामा शाखा अधिकृतहरु खटाइएको थियो,प्रमुख प्रशसकीय अधिकृतको रुपमा ।
तिमध्ये ७० प्रतिशत त खटाएको ठाउँमा पुगेका छैनन्,केही हाजिर गर्न दिइएन भन्दै फिर्ता भएका छन् भने केही सामान्य प्रशासनमा चाँजो पाँचो मिलाएर सिंहदरबारमै बस्ने प्रवन्ध मिलाउन सफल भएका छन् ।
तिनैमध्येका हुन,माधव नारायण नगरपालिका रौतहटमा खटाइएका शेखर पौड्याल,धनगढीमाइ नगरपालिकामा सरुवा भएका फणिन्द्र दाहाल,गौर नगरपालिकाबाट मातृका आचार्य,सबैला नगरपालिकाबाट कमल प्रसाद पाण्डे,बुंगल नगरपालिका खटाइएका तारानाथ पनेरु र हरिपुर नगरपालिकाबाट जितेन्द्र कुमार यादव गृहमा फिर्ता भएका छन् ।
बिज्ञापन
