बिज्ञापन

बिज्ञापन

उनका अनुसार बालेन र माम्दानी दुवै समान उमेरका हुन् र दुवै जेनजेड पुस्ताका प्रतिनिधि हुन्। “यो कुनै वाद होइन, न धनी–गरिबको लडाइँ हो,” उनले लेखे, “यो राज्यले बेवास्ता गरेकाहरूको, नसुनेका जनताको विश्वव्यापी प्रतिक्रिया हो।”

उपाध्यायले नेपाली नेताहरूलाई माम्दानीको नारा र विचार अध्ययन गर्न सुझाव दिएका छन्। “यहाँ बालेनले दिएको नारा र अमेरिकामा माम्दानीले दिएको नारा उस्तै उस्तै लाग्छ,” उनले लेखे, “ट्रम्पको नारा पनि उस्तै छ — भलै उनी ८० वर्ष पुग्न लागेका किन नहुन्, ट्रम्प बुझ्छन् नवयुग कसरी अघि बढ्दैछ।”

पूर्वसचिव उपाध्यायले बालेन शाहको प्रभाव नेपालमा मात्र सीमित नभई अन्तर्राष्ट्रिय मञ्चसम्म पुगेको उल्लेख गरेका छन्। उनले स्मरण गरे — “बालेनको जितपछि अमेरिकाको प्रतिष्ठित पत्रिका द न्यूयोर्क टाईम्स ले उनीमाथि लामो फिचर समाचार प्रकाशित गरेको थियो। त्यो सम्भवतः सो मिडियामा आएका नेपाली नेतामाथिको पहिलो फिचर हो।”

उनी भन्छन्, सो फिचर तयार पार्ने क्रममा न्यूयोर्क टाईम्स का पत्रकारले आफू (उपाध्याय) सँग करिब एक घण्टा लामो भिडियो संवाद गरेका थिए।

अन्त्यमा उपाध्यायले लेखेका छन्, “बालेन, माम्दानी, ट्रम्प र रबिका नाराहरूलाई कम आँक्न हुँदैन। यही नयाँ राजनीतिक यथार्थ हो — मन परे पनि, नपरे पनि।”