धरानस्थित बीपी कोइराला स्वास्थ्य विज्ञान प्रतिष्ठानका चार कर्मचारी बर्खास्त भएका छन् भने तीन माथि विभागीइ कारवाही अगाडि बढाइएको छ ।
प्रतिष्ठानले नियम विपरीत कार्य गर्ने पाँच कर्मचारीलाई बर्खास्त र तीन जनामाथि विभागीय कारबाही अघि बढाएको जनाएको छ ।

बिज्ञापन

प्रतिष्ठानका अनुसार डा मोहन्चन्द्र रेग्मी, लक्ष्मी सुवेदी, दिरण भट्टराई र सुरेन बास्फोर बर्खास्तमा परेका छन् । तीन जनामाथि विभागीय कारबाही अगाडि बढाएको छ ।बर्खास्तीमा परेका मध्ये रेग्मी प्रतिष्ठानका स्त्रीरोग विशेषज्ञ हुन । उनी प्रतिष्ठानमा कार्यरत रहँदै काठमाडौंस्थित सिभिल अस्पतालको निर्देशकमा नियुक्त भएका थिए । दुई वर्षका लागि काजमा खटिएका भए पनि काज अवधि सकिएपछि पनि प्रतिष्ठानमा हाजिर नगरेकाले उनलाई बर्खास्त गर्रिको छ । यस्तै उनको पत्नी तथा प्रतिष्ठानकै स्कुल अफ पब्लिक हेल्थ एन्ड कम्युनिटी मेडिसिनकी असिस्टेन्ट प्रोफेसर लक्ष्मी सुवेदीलाई पनि बर्खास्त गरिएको छ । सुवेदीलाई अध्ययन बिदा स्वीकृत नगरी नियम विपरीत विदेश गएको पुष्टि भएपछि उनलाईसमेत बर्खास्त गरिएको जनाइएको छ । यस्तै कर्मचारीहरू दिरण भट्टराई र सुरेन बास्फोर पनि बर्खास्तीमा परेका छन् । ती कर्मचारीहरूले काममा लापरबाही, प्रशासनिक नियम उल्लंघन र अनुशासनहीन व्यवहार गरेको आरोपमा बर्खास्ती गरिएको अस्पताल प्रशासनले जनाएको छ ।