एकातिर वन मन्त्रालयको जिम्मेवारी प्रधानमन्त्रीकै काँधमा छ,अर्काेतिर वन विभागका महानिर्देशक भर्खरै आएका । यही फाइदा उठाउँदै राष्ट्रिय निकुञ्ज तथा वन्यजन्तु संरक्षण विभागमा सरुवाको नाममा ‘वार्गेनिङ’धन्दा चलिरहेको पीडित कर्मचारीहरुले कर्मचारी प्रेससँग गुनासो पोखेका छन् ।
बिज्ञापन
जेन्जी आन्दोलनको हप्ता दिनअघि मात्रै तत्कालीन मन्त्री ऐनबहादुर शाहीले तत्कालीन महानिर्देशक रामचन्द्र कडेललाई हटाई डा. बुद्धिसागर पौडेललाई विभागको महानिर्देशक बनाएका थिए । मन्त्री पद रिक्त भएपछि विभागभित्र कर्मचारी सरुवाको नाममा आन्तरिक चलखेल सुरु भएको कर्मचारीहरुले गुनासो गरेका हुन ।
बिज्ञापन
मुख्य सचिव एक नारायण अर्यालले हालको असामान्य परिस्थितिमा कुनै पनि कर्मचारीको सरुवा नगर्न निर्देशन दिएका भए पनि सो निर्देशनको अवज्ञा गर्दै पनि विभागले दशैंअघि सय जनाभन्दा बढी कर्मचारीको सरुवा गरेको छ ।विभाग स्रोतका अनुसार गत फूलपातीको अघिल्लो दिन एकै लटमा एक सयभन्दा बढी कर्मचारीहरुको सरुवा गरिएको छ,गुपचुप ।
विभागीय मन्त्री नहुँदा मन्त्रालयले नै कर्मचारीहरुको सरुवा गर्न नसकेको अवस्थामा विभागले भने एक कदम अगाडि सरेर एकै लटमा संरक्षण अधिकृत,रेञ्जर,सिनियर गेम स्काउट र गेम स्काउट गरी सयौंका संख्यामा कर्मचारीहरुको गुपचुप सरुवा गरिएको विभागले जनाएको छ ।
बिज्ञापन
सो सरुवामा विभागका उपमहानिर्देशक वेदकुमार ढकाल हावी भएको कर्मचारीहरुको टिप्पणी छ । उनले आफू निकटका कर्मचारीलाई नजिक राख्ने र मन नपर्नेहरूलाई पटक–पटक सरुवा गरी दबाबमा पार्ने गरेको विभागीय स्रोतको दाबी छ ।
मन्त्री नहुँदा मन्त्रालयले अवधि पूरा गरेका कार्यालय प्रमुखहरूको सरुवा समेत गर्न नसक्दा विभाग भने आफ्नै ढर्रामा चलिरहेको छ । राजनीतिक गुटबन्दी पनि त्यसैमा मिसिएको देखिन्छ — महानिर्देशक डा. पौडेल काँग्रेस निकट कर्मचारी समूहको पक्षमा देखिन्छन् भने उपमहानिर्देशक ढकाल एमाले निकट गुट सशक्त बनाउन जुटेका छन् । यही गुटबन्दीका कारण १२ गतेको सरुवाको सूची तयार भए पनि सार्वजनिक हुन नसकेको विभाग स्रोतले जनाएको छ । यसरी सरुवामा अन्याय र अत्याचार भएको भन्दै निकुञ्ज तथा विभाग अन्तरगतका केही कर्मचारीहरुले प्रधानमन्त्री तथा मन्त्रिपरिषद्को कार्यालयमा उजुरी समेत दर्ता गरिसकेको बुझिएको छ ।
