जाजरकोटको कुशे गाउँपालिकाका अध्यक्ष हरिचन्द्र बस्नेतमाथि आइतबार बेलुकी हतियारधारी समूहले आक्रमण गरेका छन्।
बिज्ञापन
बिज्ञापन
गाउँपालिका उपाध्यक्ष देविकाकुमारी सिंहका अनुसार, दसैँ मनाउन सुर्खेततर्फ जाँदै गरेका अध्यक्ष बस्नेतमाथि छेडागाड नगरपालिका–५ थलह बजार र मनघाटबीचको सडक खण्डमा आक्रमण भएको हो।
बिज्ञापन
मोटरसाइकलमा सवार अध्यक्ष बस्नेत र उनका अन्य साथीसँग करिब तीनदेखि चार जनाको समूहले खुकुरीसहित आक्रमण गरेको उपाध्यक्ष सिंहले जानकारी दिइन्।
जिल्ला प्रहरी कार्यालय जाजरकोटका डिएसपी वसन्तकुमार शर्माले अपरिचित समूहले खुकुरी प्रहार गरेको प्रारम्भिक जानकारी आएको पुष्टि गरे। उनका अनुसार आक्रमणमा अध्यक्ष बस्नेतसहित दुई जना घाइते भएका छन्।
प्रहरीका अनुसार दुई वटा मोटरसाइकलमा आएका आक्रमणकारीहरू हाल फरार छन्। घाइतेहरूको उपचारका लागि सुर्खेततर्फ लगिएको छ।प्रहरीले घटनामा संलग्न व्यक्तिहरूको खोजी तीव्र पारेको जनाएको छ।
