चलचित्र शिकारी–१ की निर्माता उमादेवी खत्रीले नेपाली सेनाको अवकाशप्राप्त जर्नेल ईश्वरकुमार श्रेष्ठले जबरजस्ती करणी गरेको आरोप लगाएकी छन् । आज (आइतबार) रिपोर्टर्स क्लब नेपालमा पत्रकार सम्मेलन गर्दै उनले श्रेष्ठले पटक–पटक जबरजस्ती करणी गरेको आरोप लगाएकी हुन् ।
बिज्ञापन
आफूमाथि बलात्कार भएको भन्दै प्रहरीकहाँ पुगेकी उनलाई श्रेष्ठले ‘ज्यान मार्नेसम्मको धम्की’ दिएका छन् । ‘मारेर बोरामा हालेर फोहोरमा फालिदिन्छु’ लगायतका धम्की दिएको उनले बताइन् ।
बिज्ञापन
जिल्ला प्रहरी परिसर, टेकुमा जाहेरी दिएको लामो समय बितिसक्दासमेत प्रहरीले उनलाई कारबाही नगरेको पीडित खत्रीको गुनासो छ । आफूहरुबीचको सम्बन्ध १२/१४ वर्ष लामो भएपनि पछिल्लो पटक श्रेष्ठले आफूलाई गत कात्तिकको २३/२४ गते जबरजस्ती करणी गरेको उनको आरोप छ ।
पत्रकार सम्मेलनमा सामाजिक अभियन्ता युवराज पौडेल ‘सफल’ ले उमाको न्यायका लागि सबैसँग अपिल गरेका छन् । प्रहरीले आफूलाई ‘अनुसन्धान जारी छ, हामी हेरिरहेका छौं’ भन्ने जवाफ दिएको उनले बताए ।
