वरिष्ठ कलाकार मदनकृष्ण श्रेष्ठ र हरिवंश आचार्यले माफी मागेका छन् । अदालतमा विचाराधिन मुद्धामा मुख खोलेका चर्चित हास्यकलाकारद्धय मदनकृष्ण हरिवंशले अष्ट्रेलिया पुगेर उक्त प्रकरणमा माफी मागेका हुन ।
यस अघि कान्तिपुर मिडिया ग्रुपका अध्यक्ष कैलाश सिरोहिया पक्राउप्रति सार्वजनिक गरिएको धारणामा व्यापक आलोचना खेप्न परेपछि उनीहरुले उक्त गल्ती सच्याउँदै माफी मागेका हुन ।
बिज्ञापन
एक एफएममा दिइएको अन्तर्वार्ता विवादमा परेपछि अष्ट्रेलियामा रहेका उनीहरुले आज भिडियो सन्देश जारी गर्दै हतारमा प्रतिक्रिया दिँदा आफूहरुबाट त्रुटी भएको बताएका हुन् ।
बिज्ञापन
अस्ति हामी एउटा एफएममा बसेर अष्ट्रेलिया आउने विषयमा छलफल गरिरहेका थियौं,त्यही बेला त्योभन्दा गम्भीररूपमा अर्को अदालतमा विचाराधीन विषयमा थुप्रै पत्रकार साथीहरू बसेर कुराकानी गरिरहनु भएको रहेछ । मदनले भनेका एउटा मुडमा बसिरहेको बेला अपर्झट बोल्ने प्रस्ताव आयो । हामी अक्मकियौं, के बोल्ने कसो बोल्ने भनेर । अपर्झट बोल्दा हामीबाट केही त्रुटि हुन गएको महसुस भएको छ ।
यस्तै,हरिवंशले पनि त्रुटी स्वीकार गर्दै दर्शकहरुलाई माफी दिन अनुरोध गरेका छन् । अदालतमा विचाराधीन मुद्धामा बोलेर गल्ती भएको उनको भनाई छ । भनेका छन्,अदालतमा विचाराधीन मुद्दाको विषयमा नबोलेको भए पनि हुन्थ्यो । हामीबाट यो त्रुटि भयो । हामीलाई आफ्नै मान्छे सम्झिएर माया गरिदिनुभएको छ । र यो पनि सबै कुरा बिर्सिएर माफी दिनहुन अनुरोध गर्छौं ।
बिज्ञापन
